તમે બેંક અથવા પોસ્ટ ઓફિસની રિકરિંગ ડિપોઝિટ સેવિંગ સ્કીમ (RD) પસંદ કરી શકો છો, જ્યાં તમે બચત ખાતાને બદલે પૈસા મૂકીને તે પૈસા પર સારું વળતર મેળવી શકો છો.
આ સ્કીમમાં તમે 100 રૂપિયાની મહિનાની રકમ સાથે પણ રોકાણ કરી શકો છો
ઘણી બેંકો RD પર FD કરતાં વધુ વ્યાજ આપી રહી છે
પોસ્ટ ઓફિસમાં માસિક રૂ. 100નું રોકાણ કરીને RD કરી શકો છો
આજના સમયમાં જો તમારો પગાર મહિને 50 હજારથી લઈને 1 લાખ રૂપિયા સુધી છે તો પણ બચત કરવી શક્ય નથી. નોકરી કરતા ઘણા એવા લોકો છે, જેઓ મહિને માત્ર 2, 5 કે 10 હજાર સુધીની જ બચત કરી શકે છે. એવામાં ઘણા લોકો આ બચતને બેંકના બચત ખાતામાં રાખે છે અથવા તો કોઈ અન્ય યોજનામાં રોકાણ કરતા હોય છે. પરંતુ અમે તમને જણાવી દઈએ કે કેટલીક એવી યોજનાઓ છે, જેના દ્વારા તમે તમારા બચતના પૈસા પર વધુમાં વધુ ફાયદો મેળવી શકો છો અને તે પણ ખૂબ જ સુરક્ષિત. આ માટે, તમે બેંક અથવા પોસ્ટ ઓફિસની રિકરિંગ ડિપોઝિટ સેવિંગ સ્કીમ (RD) પસંદ કરી શકો છો, જ્યાં તમે બચત ખાતાને બદલે પૈસા મૂકીને તે પૈસા પર સારું વળતર મેળવી શકો છો. ખાસ વાત એ છે કે આ સ્કીમમાં તમે 100 રૂપિયાની મહિનાની રકમ સાથે પણ નાનું રોકાણ કરી શકો છો.
અમે અહીં જણાવી રહ્યા છીએ, સ્મોલ સેવિંગ્સ સ્કીમ આરડી એટલે કે રિકરિંગ ડિપોઝિટની. ઘણી બેંકો RD પર FD કરતાં વધુ વ્યાજ આપી રહી છે. HDFC બેંક RD પર 7.65 ટકા તો ICICI બેંક 6.9 ટકા વ્યાજ ચૂકવે છે. તમે બેંકમાં ઓછામાં ઓછા 6 મહિનાની રિકરિંગ ડિપોઝીટ ખોલી શકો છો. જ્યારે પોસ્ટ ઓફિસમાં રિકરિંગ ડિપોઝીટ પર 5.8 ટકા (quarterly compounded) ના દરે વ્યાજ આપવામાં આવે છે. તમે પોસ્ટ ઓફિસમાં માસિક રૂ. 100નું રોકાણ કરીને રિકરીંગ ડિપોઝીટ સ્કીમમાં રોકાણ કરી શકો છો. જો કે, તમારે ઓછામાં ઓછા 5 વર્ષ માટે RD પસંદ કરવાની જરૂર છે. ત્રણ વર્ષ પછી તમે રોકાણ કરવાનું બંધ કરી શકો છો. એક વર્ષ પછી તમે તમારા RD જમા રકમના 50 ટકા સુધીની લોન લઈ શકો છો.
FD ની બરાબર વ્યાજ મળે છે
સુરક્ષિત રોકાણનો બીજો રસ્તો બેંક એફડી છે. જેમાં તમને વધુ વ્યાજ મળે છે, પરંતુ તમારે લાંબા સમય માટે એક સાથે મોટી રકમ રાખવી પડશે. તમે દર મહિને નાની ડિપોઝિટ જમા કરીને FD જેટલું વ્યાજ મેળવી શકો છો. રિકરિંગ ડિપોઝિટ એ બચત ખાતા પર ડબલ વ્યાજ મેળવવાનો સૌથી સરળ રસ્તો છે.
RD ના ફાયદા
-રિકરિંગ ડિપોઝિટ રોકાણકારની બચત પર આધાર રાખે છે અને દર મહિને નિશ્ચિત રકમનું રોકાણ કરી શકે છે.
-આરડીના લોક-ઇન ફીચર હેઠળ વ્યાજ દર શરૂઆતથી અંત સુધી સમાન રહે છે અને ડિપોઝિટ પરનો વ્યાજ દર શરૂઆતમાં જ લૉક કરવામાં આવે છે. એટલે કે જ્યારે વ્યાજ દર ઓછો હોય ત્યારે આરડીમાં ફાયદો છે.
-રિકરિંગ ડિપોઝિટથી સેવિંગ મેનેજમેન્ટ સરળ હોય છે અને વારંવાર ફિક્સ્ડ ડિપોઝિટની ઝંઝટમાંથી રાહત મળે છે.
-આરડીમાં ખાતું ખોલાવતા સમયે સમયગાળો નક્કી હોય છે. સમય મર્યાદા પછી તમને વ્યાજ સાથે સંપૂર્ણ રકમ પરત મળે છે.
-RDની વિશેષતા એ છે કે તે નિયમિત રોકાણ સાથે ફિક્સ્ડ ડિપોઝિટના ફાયદા મળે છે. વ્યાજ નક્કિ હોવાના કારણે આવકની નિશ્ચિતતા રહે છે અને બેંકો તરફથી ઑફર મેળવવા માટે અનુકૂળ છે. આરડીમાં એક ચોક્કસ લક્ષ્ય માટે રકમ એકઠી કરી શકાય છે.
-આરડી 10 વર્ષ સુધીની હોય શકે છે. આમાં લાંબા ગાળાના રોકાણની યોજના બનાવી શકાય છે.
કેવી રીતે શરૂ કરવી રિકરિંગ ડિપોઝિટ
રિકરિંગ ડિપોઝિટ એકાઉન્ટ પોસ્ટ ઓફિસ, બેંક કે ઓનલાઈન પણ ખોલી શકાય છે. તમે તમારા મોબાઈલની એપ દ્વારા પણ RD ખોલી શકો છો. જો તમને પોસ્ટ ઓફિસમાં આરડી ખોલવામાં આવે છે, તો તમે તેને રોકડ અને ચેક આપીને ખોલાવી શકો છો. તમારું એકાઉન્ટ એક પોસ્ટ ઓફિસથી બીજી પોસ્ટ ઓફિસમાં ટ્રાન્સફર કરી શકાય છે. બે પુખ્ત વયના લોકોના નામે પણ જોઈન્ટ એકાઉન્ટ ખોલાવી શકાય છે. આરડી ખાતું ખોલાવતા પહેલા જુઓ ક્યાં અને કેટલું વ્યાજ મળી રહ્યું છે. જો રિકરિંગ ડિપોઝિટ પર 10 હજારથી વધુ વ્યાજ મળે છે, તો તેનો ટેક્સ આપવાનો રહેશે.