ક્રાઇમ / જો જો તમે ક્યાંક ચોરીનું વાહન તો નથી ખરીદ્યુ ને, સુરતમાં પકડાઈ અજીબ રીતે ચોરી કરનારી ગેંગ

• સુરતની ક્રાઇમ બ્રાન્ચને મળી મોટી સફળતા 
• olx જેવી વેબસાઇટ પરથી ડોક્યુમેન્ટ્સ ઉપાડી કરતા હતા ચોરી 
• નકલી નંબર પ્લેટ લગાડી વેચી દેતા હતા વાહનોને 

 ઘણા લોકો ઓનલાઈન પોર્ટલ ઉપરથી બાઇક ખરીદીને વાપરવાનો શોખ ધરાવતા હોય છે અથવા પ્રીફર કરતાં હોય છે. તેમના માટે લાલબટ્ટ સમાન આંખ ઉઘાડનારો કિસ્સો પ્રકાશમાં આવ્યો છે. સુરત ક્રાઇમ બ્રાન્ચે આવી એક શાતિર ટોળકીને પકડી પાડીને એક નવી જ મોડસ ઓપરેન્ડી ધરાવતા ક્રાઇમનો પર્દાફાશ કર્યો છે.

નકલી નંબરપ્લેટથી કરતાં હતા કારસ્તાન 

સુરતની ક્રાઇમ બ્રાન્ચે જેમને પકડ્યા છે એવા આ બે બદમાશ શખ્સો મૂળે કાપડ દલાલ અને હીરા ઓફિસમાં કામ કરતાં હતા. આ લોકોની ધરપકડ બાદ કુલ 23 જેટલા ચોરીના વાહનો જપ્ત કર્યા છે. આ તમામ બાઇકો ચોરીની છે અને આ વાહનો olx પર વેચતા હતા. 

સુરત ક્રાઇમ બ્રાન્ચ ની તપાસ દરમિયાન બંને આરોપીઓએ આ વાહનો ક્રાઇમ બ્રાન્ચની તપાસ દરમ્યાન બંને આરોપીઓએ આ વાહનો સરથાણા,કાપોદ્રા, 
વરાછા,અમરોલી,અઠવા, સહિત ઉમરા  પોલીસ મથકમાંથી વર્ષ 2020 દરમ્યાન ચોરી કર્યા હોવાની કબૂલાત કરી હતી.જે ચોરીના વાહનો  જુદા જુદા લોકોને વેચી મારવામાં આવ્યા હતા.