હવામાન વિભાગે સમુદ્રી વિસ્તારો સૌરાષ્ટ્ર અને દક્ષિણ ગુજરાતમાં વરસાદ અને માવઠાની આગાહી કરી છે.આ વચ્ચે,દ્વારકાના દરિયામાં કરંટ જોવા મળ્યો છે.સહેલાણીઓ ચેતી જાય તે હિતમાં છે.
દ્વારકાના દરિયામાં પાણી સાથે વહે છે કરંટ
સહેલાણીઓ દર્રીયે જતા સાચવી જજો
દ્વારકામાં એક નંબરનું સિગ્નલ;પ્રવાસીઓ ચેતે
દીપાવલીના તહેવારોમાં પ્રવાસન સ્થળો પર ચક્કા જામ ભીડ છે ખાસ કરીને દરિયાઈ વિસ્તારો, દીવ,સોમનાથ,દ્વારકા, ડુમ્મસ,તીથલ અને વલસાડ સહીતનાં સ્થળોએ સહેલાણીઓ ઉમટી પડ્યા છે.એક તો સપરમા દિવસો અને બીજું કોરોના કાળથી મળેલી મુક્તિ ઉપરાંત વેકેશન અને ફૂલ ગુલાબી મોસમ. પણ યાદ રાખજો હવામાન વિભાગે જે પ્રમાણે સમુદ્રી વિસ્તારો ખાસ કરીને સૌરાષ્ટ્ર અને દક્ષિણ ગુજરાતમાં વરસાદ અને માવઠાની આગાહી કરી છે.આ વચ્ચે,દ્વારકાના દરિયામાં કરંટ જોવા મળ્યો છે. પાણીમાં પગ પખાળવા કે નહાવા જતા,અત્યારે ચેતી જજો.
દ્વારકાના અરબી સમુદ્રમાં કરન્ટ જોવા મળ્યો છે. સમુદ્રમાં કરન્ટના પગલે હવામાન વિભાગની આગાહી કરી છે. અને આ પગલે દેવભૂમિ દ્વારકા જિલ્લાના ઓખા, સલાયા, વાડીનાર સહિતના બંદરો પર એક નંબરનું સિગ્નલ લગાવી દેવામાં આવ્યું છે. દેવભૂમિ દ્વારકા જિલ્લાની તમામ માછીમારી સમુદ્રમાં રહેલ બોટોને પરત બોલાવી લેવામાં આવી રહી છે. જ્યારે બાકી તમામ બોટ પણ પરત થઈ રહી છે. હાલમાં એક નંબરનું સિગ્નલ છે, જે આગામી સમયમાં ડીપ ડીપ્રેશન આગળ વધશે તો તે મુજબ વધારે ભયજનક એવા બે, ત્રણ કે ચાર નંબરના સિગ્નલ પણ પરિસ્થિતિ મુજબ લાગશે. માછીમારોને હાલ દરિયો ન ખેડવા પણ સૂચના આપી દેવામાં આવી છે.