સોશિયલ મીડિયામાં લોકો વોટ્સએપનો સૌથી વધુ ઉપયોગ કરે છે. વોટસએપ પણ સતત યુઝર ફ્રેન્ડલી ફિચર લોન્ચ કરે છે. વોટસએપ પર લોકો મિત્રો, સ્વજનો સાથે મેસેજ, વિડીયો શેર કરે છે. પરંતુ ઘણી વખત એવું થાય છે કે ખોટા મેસેજ અથવા ફોટો શેર કરવાના કારણે અથવા પરેશાન કરતા લોકોને બ્લોક કરી દેવાય છે.
સોશિયલ મીડિયામાં લોકો વોટ્સએપનો સૌથી વધુ ઉપયોગ કરે છે
બ્લોક કર્યા બાદ જે તે યુઝર તમને કોઇ મેસેજ મોકલી શકતા નથી. જોકે ટેકનોલોજીના ભેજાબાજોએ તેનો પણ તોડ શોધી કાઢ્યો છે. તમને બ્લોક કરનારને પણ તમે મેસેજ મોકલી શકો છો. કયારેક ગેરસમજ દુર કરવા અથવા તમને બ્લોક કરનાર વ્યકિતને સોરી કહેવા પણ મેસેજ મોકલવો જરુરી બને છે.
આ ટ્રીક માટે જોકે તમારે કોમન ફ્રેન્ડની મદદ લેવી પડશે. તેનાથી તમે તમને બ્લોક કરનાર યુઝરને પણ આસાનીથી મેસેજ મોકલી શકશો. આ માટે તમારો અને તમને બ્લોક કરનાર વ્યકિતનો કોમન ફ્રેન્ડ એક વોટસએપ ગ્રુપ બનાવશે. જેમાં તે તમને ઉપરાંત જેમણે તમને બ્લોક કર્યા છે તેને પણ એડ કરશે.
સાંભળવામાં થોડું અજીબ લાગશે પણ ગ્રુપ બનાવનાર તમારો ફ્રેન્ડ તે પછી ગ્રુપમાંથી બહાર નીકળી જશે. હવે આ ગ્રુપમાં ફકત તમે અને તમને બ્લોક કરનાર એમ બે જ મેમ્બર રહી જશો. તે પછી તમે બ્લોક કરનાર ફ્રેન્ડ કે સ્વજનને મેસેજ મોકલીને તમારી વાત રજુ કરીને તેને મનાવી શકો છો. જોકે તમને બ્લોક કરનાર વ્યકિત ગ્રુપમાં તમને જોઇને તમે તેને મેસેજ કરો તે પહેલા ગ્રુપ લેફટ કરી દે તો આ ટ્રીક કામનહીં લાગે.