લાભનો સોદો / HDFC બેન્કમાં ખાતું હોય જાણી લેજો આ કામની વાત, વિલય બાદ ખાતાધારકોને મળશે મોટો લાભ

• HDFC અને HDFC લિમિટેડનું થયું મર્જર
• HDFC લિમિટેડના શેરધારકોને 42 શેર મળશે
• ખાતાધારકોને વધારાની સુવિધા મળશે

ભારતની સૌથી મોટી ખાનગી બેંક HDFC બેંક અને સૌથી મોટી હાઉસિંગ ફાઇનાન્સ કંપની HDFC લિમિટેડના મર્જરનો રસ્તો સાફ થઈ ગયો છે. બંને કંપનીઓના બોર્ડે સોમવારે યોજાયેલી અલગ અલગ બેઠકોમાં આ અંગેની દરખાસ્તોને મંજૂરી આપી હતી. હવે જેવી કેટલીક રેગ્યુલેટરી મંજૂરીઓ મળશે કે તરત જ બંને બેન્ક એક થઈ જશે. 

HDFC બેન્કના કર્મચારીઓ પર કોઈ અસર નહીં પડે
HDFC બેન્કના ચેરમેન દીપક પારેખે એવું કહ્યું કે મર્જરથી બેન્કના કર્મચારીઓ પર કોઈ અસર નહીં પડે. તેમણે ટ્વિટ કરીને આ માહિતી આપી હતી. 

The HDFC-HDFC Bank merger will not impact employees of HDFC Ltd: Deepak Parekh

— Press Trust of India (@PTI_News) April 4, 2022

મર્જરની સ્થિતિમાં શું અસર પડશે 

મર્જરની સ્થિતિમાં સૌથી મોટી ખાનગી બેંકના કરોડો ગ્રાહકોના મનમાં પ્રશ્ન ઉભો થઈ રહ્યો છે કે આ મર્જરની તેમના પર શું અસર પડશે. આવો જાણીએ કે આ ડીલથી એચડીએફસી બેંકના ખાતાધારકો પર કેવી અસર પડશે.આ ડીલ હેઠળ એચડીએફસી લિમિટેડના શેરધારકોને 2 રૂપિયાની ફેસ વેલ્યૂવાળા 25 શેરના બદલામાં એચડીએફસી બેંકના 42 શેર મળશે, જેની ફેસ વેલ્યૂ 1 રૂપિયા હશે. 

HDFC લિમિટેડના શેરધારકોને ઇક્વિટી શેર મળશે
મર્જર બાદ HDFC  બેન્ક 100 ટકા પબ્લિક શેરહોલ્ડિંગ કંપની બની જશે. મર્જર બાદ એચડીએફસી લિમિટેડની એચડીએફસી બેન્કમાં 41 ટકા ભાગીદારી રહેશે. ડીલ પૂરી થયા બાદ એચડીએફસી બેન્ક રેકોર્ડ તારીખે એચડીએફસી લિમિટેડના શેરધારકોને ઇક્વિટી શેર આપશે.

બેંકના ગ્રાહકોને આનો સીધો ફાયદો થશે

મર્જરના પ્રસ્તાવની સૌથી ખાસ વાત એ છે કે એચડીએફસી લિમિટેડની તમામ સબ્સિડિયરી અને સહયોગી એચડીએફસી બેન્કનો હિસ્સો હશે. આનાથી એચડીએફસી બેંકને તાત્કાલિક લાભ થશે અને અસુરક્ષિત લોનના સંપર્કમાં તેનો હિસ્સો ઓછો થશે. મર્જર બાદ એચડીએફસી બેન્કના ગ્રાહકોને સૌથી મોટો ફાયદો એ છે કે હવે તેમને એક જ છત નીચે વધારાની સેવાઓ મળવાની શરૂઆત થશે.

બેન્ક ગ્રાહકોને સરળતાથી હોમ લોન આપશે 
મર્જર બાદ HDFC બેન્ક પોતાના ગ્રાહકોને બેઝિક પ્રોડક્ટ તરીકે સરળતાથી હોમ લોન આપશે. આ ઉપરાંત એચડીએફસી બેન્ક લાંબા ગાળાની હોમ લોન પણ આપશે. બેંક તેના ગ્રાહકોને તેમની સાથેના લાંબા જોડાણને કારણે વધુ સારી જાણકારી સાથે વિવિધ ક્રેડિટ અને ડેબિટ સેવાઓ પ્રદાન કરશે.

HDFC લિમિટેડના ગ્રાહકો HDFC  બેંકમાં જોડાશે

HDFC  લિમિટેડ આ ડીલ હેઠળ એચડીએફસી બેન્ક સાથે મર્જ થવા જઈ રહી હોવાથી બેન્કના ખાતાધારકો, પેપર્સ કે શેરહોલ્ડરો પર કોઈ વિપરીત અસર પડવાની નથી. બેંકના ગ્રાહકોને પહેલેથી જ ઉપલબ્ધ તમામ સેવાઓ મળશે, હવે કેટલીક નવી પ્રોડક્ટ્સ પણ મળવા લાગશે. બીજી તરફ એચડીએફસી લિમિટેડના તમામ ગ્રાહકો હવે સીધા જ એચડીએફસી બેન્કનો હિસ્સો બની જશે.