તમારા કામનું / જમ્યા પછી ન્હાવાની ટેવ હોય તો થઈ જજો એલર્ટ, ખતરનાક સમસ્યાનો બની જશો શિકાર

ઘણા લોકો જમ્યા પછી સ્નાન કરતા હોય છે, જમ્યા પછી સ્નાન કરવું તેમને ખુબજ સરસ ફિલ કરાવતુ હોવાનું તેમનું કહેવું છે.. પરંતુ નિષ્ણાંતોના મતે તે હેલ્થ માટે બિલકુલ યોગ્ય નથી

સ્વાસ્થ્યના દૃષ્ટિકોણથી જોઇએ તો જમ્યા પછી સ્નાન કરવાથી ગંભીર પરિણામો આવી શકે છે. તાજેતરના એક રિપોર્ટમાં દાવો કરવામાં આવ્યો છે કે જે લોકો ભોજન લીધા પછી સ્નાન કરે છે તેમની પાચન પ્રણાલીમાં ખલેલ પહોંચે છે અને તેની અસર કેટલીકવાર મગજ ઉપર પણ પડી શકે છે. આવો જાણીએ આ સમસ્યા વિશે અને તેનાથી બચવા માટે શું કરવું યોગ્ય છે.

નિષ્ણાતો શું કહે છે?

મગજ પણ પાચન એકબીજા સાથે જોડાયેલા છે. , 3 પ્રકારની નર્વસ સિસ્ટમ તેના કાર્યમાં મદદ કરે છે, પ્રથમ એએનએસ છે, એટલે કે ઓટોનોમિક નર્વસ સિસ્ટમ જે આપણા શરીરને કામ કરવા માટે સંદેશો મોકલે છે, બાકીના બે તેના અલગ અલગ સ્વરૂપો છે.

PNS અને SNS

SNS નું કામ સ્ટ્રેસ અને ચિંતાને સંભાળવાનું છે. બીજી તરફ PNS આંતરડા, પાચન અને પેટના રક્ત પ્રવાહમાં મદદ કરે છે.

પાચન પર અસર

જ્યારે આપણે ખોરાક ખાઈએ છીએ ત્યારે પાચન પ્રક્રિયા વધે છે અને પેટમાં લોહીનો પ્રવાહ પણ વધે છે. હકીકતમાં, ખોરાક ખાધા પછી તરત જ, આપણું પેટ પાચન તબક્કામાં છે, જેમાં ખોરાકને તોડી નાખવાનો અને તેના પોષક તત્વોને લોહીના પ્રવાહમાં પહોંચાડવાનો સમાવેશ થાય છે. જો આપણે તરત જ નહાવા જઈએ તો પાચનક્રિયા ધીમી પડી જાય છે, જેના કારણે પેટ સંબંધિત ઘણી સમસ્યાઓ થઈ શકે છે, જેમ કે-

પેટ ફૂલવાની સમસ્યા રહે છે

પેટમાં ખેંચાણ

કેટલાક લોકોને નહાતી વખતે ઉલ્ટી પણ થઈ શકે છે.

ક્યારે સ્નાન કરવું જોઈએ?

જો કે દરેક વ્યક્તિને જમતા પહેલા નહાવાની સલાહ આપવામાં આવે છે, પરંતુ જો કોઈ કારણસર તમે જમતા પહેલા સ્નાન કરી શકતા નથી, તો તમે જમ્યા પછી લગભગ 50 કે 60 મિનિટ પછી સ્નાન કરી શકો છો. સ્નાન અને ભોજન વચ્ચેના સમય પર ધ્યાન આપો. આ સિવાય ન્હાવા માટે હૂંફાળા પાણીનો ઉપયોગ કરો. જમ્યા પછી, તમે થોડી વાર ચાલવા જઈ શકો છો અને ત્યારબાદ સ્નાન માટે જઈ શકો છો. જો તમે નહાતા પહેલા કંઈક ખાતા હોવ તો વધારે ભારે ખોરાક ન ખાવો.

આ પણ વાંચોઃ એક દિવસમાં કેટલી ચમચી ખાંડ ખાવી હિતાવહ? મોટા નુકસાનથી બચાવી લેશે WHOની નાની સલાહ

બધાજ સમાચાર અને અપડેટ્સ મેળવવા માટે પ્લેસ્ટોર/ એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ