Ahmedabad / ઘરમાં કાર હોય તો આ વ્યવસ્થા કરી લેજો નહીંતર ચૂકવવો પડશે ચાર્જ : તંત્રની નવી પોલિસી

• AMCની નવી પાર્કિંગ પોલિસી 
• વાહનની માલિકાના પૂરાવા આપવા પડશે 
• ટ્રાફિક સમસ્યાનું નિવારણ 

અમદાવાદ શહેરની વધતી જતી વસતી અને વાહનોની વધતી જતી સંખ્યાને લઇ અમદાવાદ મહાનગરપાલિકાએ પોતાની એક બેઠકમાં નવી પાર્કિંગ પોલિસી માટે દરખાસ્ત મૂકી છે. આ અંતર્ગત,વાહન માલિકોએ પોતાની પાસે કાર પાર્કિંગની સુવિધા હોવાના પૂરાવા રજૂ કરવા પડશે.

ટ્રાફિક-પાર્કિંગ માથાનો દુખાવો 

અમદાવાદના પોશ  વિસ્તારો અને ખાસ કરીને કમર્શિયલ જગ્યા પર આડેધડ થતા વાહન પાર્કિંગ અને ખાસ કરીને કારના પાર્કિંગ ગમે ત્યાં કરવામાં આવે છે.શહેરના માર્ગો પર ગમે ત્યાં થતા પાર્કિંગ અને ત્રાફિકની સમસ્યાના  નિવારણ માટે  અમદાવાદ મહાનગર પાલિકાએ સ્ટેન્ડિંગ કમિટીમાં દરખાસ્ત મૂકી  છે.અગાઉ સુપ્રીમ કોર્ટે પણ રાજ્ય સરકારને પાર્કિંગ પોલિસી બનાવવા માટે ટકોર કરી હતી. હવે,મહાપાલિકા આ દરખાસ્ત મુજબ નવી પોલિસી બનાવી ટ્રાફિક અને  પાર્કિંગની સમસ્યા નિવારવા પ્રયાસ કરશે.

કેવી રીતે શક્ય બનશે ?

મહાનગરપાલિકા-અમદાવાદની સ્ટેન્ડિંગ કમિટીમાં જે દરખાસ્ત રાજજો કરવામાં આવી છે તેમાં હાલની સ્થિતિએ 74 જેટલી પાર્કિંગ સાઈટ શહેરમાં ઉપલબ્ધ છે.તો ઓન રોડ પાર્કિંગ માટે પોલીસ વિભાગનો પણ અભિપ્રાય લેવામાં આવવાનું ઠરાવાયું છે.સાથોસાથ રોડ પર વાહન પાર્કિંગ માટે અલગથી ચાર્જ વસૂલવામાં આવશે.ખાસ કરીને કમર્શિયલ વિસ્તારોમાં પાર્કિંગ પ્લોટની અછત છે તો કેટલાય કમર્શિયલ બિલ્ડીંગમાં પાર્કિંગની વ્યવસ્થા પણ પૂરતી નથી.પરિણામે,પોતાના કામ-ધંધે આવતા નાગરિકોને વાહન પાર્ક કરવા માટે ભટકવું પડે છે.અથવા તો ગમે ત્યાં જગ્યા મળે ત્યાં વાહન પાર્ક કરી દેવું પડે છે. આ પરિણામે, રસ્તા પર આડેધડ પાર્કિંગ જોવા મળે છે.અને સામાન્યથી માંડીને પીક-અવર્સમાં ટ્રાફિકની વિકરાળ સમસ્યા સર્જાય છે.

ફ્લેટ્સ / સોસાયટીઓમાં પણ આ જ સ્થિતિ 

અમદાવાદમાં મૂળ;વાહન પાર્કિંગ માટેના પ્લોટની પણ અછત હોવાનું મહાનગરપાલિકાના ધ્યાને છે.રહેણાક વિસ્તાર અને સોસાયટીઓમાં પણ વાહન પાર્કિંગ,ખાસ કરીંને કાર પાર્કિંગની પર્યાપ્ત સુવિધા/સગવડ નથી. તો ફ્લેટ ધારકો પણ રસ્તા પાર આવેલા ફ્લેટ હોય તો ત્યાં બહાર જ કાર પાર્ક કરી નાખતા હોય તે સ્વાભાવિક છે.પરિણામે,ટ્રાફિકને બાધારૂપ બને છે.
હવે નવી પાર્કિંગ પોલિસીની દરખાસ્ત મહાપાલિકાની કમિટીમાં મુકાઈ છે તેનાથી શહેરના ટ્રાફિકની સ્થિતિ તો સુધરશે જ પરંતુ આડેધડ થતા વાહન પાર્કિંગ પર પણ લગામ કસાશે. જો કે પાર્કિંગ પ્લોટ્સની સુવિધા વધારવામાં આવે છે  કે નહિ ? તે જોવું અગત્યનું રહેશે.