કોરોના વાયરસ મહામારી વચ્ચે દુનિયાભરમાં વેક્સિન પ્રક્રિયા ખુબ ઝડપી બની ગઇ છે ત્યારે એક દેશ એવો પણ છે જ્યાં વેક્સિન લેવાના 10 લાખ રૂપિયા મળે છે.
આ દેશમાં વેક્સિન લેવા પર મળશે ઇનામ
વેક્સિન લેશો તો મળશે 10 લાખ રૂપિયા
અલગ અલગ પ્રકારના ઇનામની ઘોષણા
એક તરફ ભારતમાં જ્યાં સામાન્ય લોકોથી લઇને સેલેબ્સ સુધી બધા વેક્સિન લેવા માટે લોકોને પ્રેરી રહ્યાં છે ત્યારે અમેરિકા એક કદમ આગળ નીકળી ગયુ છે. અમેરિકામાં વેક્સિન લેવા પર લોકોને ફ્રીમાં બેસબોલ ગેમની ટીકીટ, ફ્રેંચ ફ્રાઇઝ અને ગાંજો પણ ફ્રીમાં આપવામાં આવે છે. ઓહાયો શહેરમાં તો વેક્સિન લગાવવા પર 10 લાખ રૂપિયા જીતવાની ઓફર કરવામાં આવી છે.
આ શહેરના ગવર્નરે હાલમાં જ એક ટ્વિટ કરીને આ વાતની ઘોષણા કરી છે અને લખ્યુ છે કે 26 મેથી તે કોરોના વાયરસ રિલીફ ફંડમાંથી લોટરી કરવાની ઘોષણા કરી છે. આ લોટરીની ઓફર તે લોકો માટે છે જેમણે ઓછામાં ઓછો વેક્સિનનો એક ડોઝ લીધો છે.
તેમણે પોતાના ટ્વિટમાં લખ્યું કે લોટરીના ડ્રોનું ઇનામ દર બુધવારે કાઢવામાં આવશે. 5 અઠવાડીયા સુધી ચાલશે. દરેક લોટરી વિજેતાને 10 લાખ રૂપિયાનું ઇનામ આપવામાં આવશે. આ રીતે કોરોના રિલીફ ફંડથી 50 લાખ રૂપિયા આપવામાં આવશે અને તેમણે આશા જતાવી છે કે તેના કારણે લોકો વેક્સિન લગાવવા માટે પ્રેરિત થશે.
મહત્વનું છે કે, ઓહાયોએ ભલે વેક્સિન લેવા પર લોટરીનો કોન્સેપ્ટ શરૂ કર્યો હોય પરંતુ તેના પહેલા બાકીના રાજ્યો અને સ્થાનીય સરકારોએ વેક્સિન લેવા પર આર્થિક રીતે મદદ કરવાની ઘોષણા કરવાની શરૂઆત કરી હતી. વેસ્ટ વર્જીનીયાના ગવર્નર જિમ જસ્ટિસે ગયા મહિને આ બાબતની ઘોષણા કરી હતી.
જિમે એલાન કર્યુ કે 35 વર્ષથી ઓછી ઉંમરના લોકો વેક્સિન લેશે તો તેમને 100 ડૉલર્સનો સેવિંગ બોન્ડ આપવામાં આવશે. તે સિવાય જૉર્જીયા શહેરના પ્રશાસને આ વર્ષે જાન્યુઆરીમાં ઘોષણા કરી હતી કે શહેરના લોકો એક વાર પણ વેક્સિન લેશે તો તેમને 200 ડૉલર્સના ગિફ્ટ કાર્ડ આપવામાં આવશે.