ધર્મ / આ પ્રકારના સંકેત મળે, તો સમજી લેવું કે હોઇ શકે છે પિતૃદોષ, મુક્તિ માટે અપનાવો આ ઉપાય

હિન્દુ ધર્મની માન્યતા અનુસાર જો વિધિ પૂર્વક પિતૃઓનું તર્પણ, પિંડદાન કે શ્રાદ્ધ કરવામાં ન આવ્યું હોય તો પરિવાર પિતૃ દોષથી પીડાય છે. જેની કુંડળીમાં પિતૃદોષ હોય તેની જિંદગીમાં પણ અનેક મુશ્કેલીઓ આવે છે. આજે તમને પિતૃદોષના લક્ષણ અને તેના ઉપાય વિશે જણાવીશું.

વધુ વાંચો : ચંદ્રગ્રહણ, જે વૃશ્વિક સહિત આ 5 રાશિના જાતકો માટે લકી સાબિત થશે, ભરાશે ધનના ભંડાર

• પિતૃદોષના લક્ષણ
  જે વ્યક્તિને પિતૃદોષ હોય તે ગમે તેટલા પ્રયાસ કરે છતાં પણ તેમને સંતાન પ્રાપ્તિ નથી થતી. ઘરમાં પીંપળાનું વૃક્ષ ઊગી જાય તેને પણ પિતૃદોષનું લક્ષણ માનવામાં આવે છે. કોઈ વ્યક્તિ મહેનત કરે છતાં નોકરી અને વ્યાપારમાં સફળતા ન મળે તેને પિતૃદોષ હોઈ શકે છે.

આ સિવાય બાળકોનું લગાતાર બીમાર પડવું. પરિવારના સભ્યો સાથે લગાતાર વિવાદ રહેવા. જો એક કરતા વધુ વખત દુર્ઘટના થાય તેને પણ પિતૃદોષના લક્ષણ તરીકે જોવામાં આવે છે. પિતૃદોષના કારણે સફળતા મળતી નથી.

• પિતૃદોષના ઉપાય
  શાસ્ત્ર અનુસાર, પિતૃદોષમાંથી મુક્તિ મેળવવા અને પિતૃઓની શાંતિ માટે તેમના નામનું ભોજન અને જળ પિતૃ પક્ષમાં નીકાળવું. પિતૃદોષમાંથી મુક્તિ માટે પિતૃઓનું પિંડદાન, તર્પણ અને શ્રાદ્ધ જરૂરથી કરવું. પિતૃ પક્ષ દરમિયાન પિતૃઓના નામનો દીવો પ્રગટાવો જોઈએ. માન્યતા પ્રમાણે પિતૃ પક્ષ દરમિયાન પિતૃઓ ધરતી પર આવે છે અને વંશજોને આશીર્વાદ આપતા હોય છે.