આપણે દૂધ લોટ જેવી વસ્તુઓ રાખીયે છીએ જેથી ફ્રિઝમાં દુર્ગંધ આવવા લાગે છે. એવામાં ફ્રીઝને સ્વસ્છ રાખવાથી દુર્ગંધ દૂરલ થાય છે. ફ્રીઝને ફ્રેશ રાખવા માટે અઠવાડિયામાં એક વખત તેની સફાઇ જરૂરથી કરો. આજે અમે તમને ફ્રીઝ સાફ કરવાના કેટલાક સહેલી અને જરૂરી ટિપ્સ જાણાવીશું જે તમારા માટે ખૂબ ફાયદાકારક છે.
સૌ પ્રથમ ફ્રીઝને ખાલી કરો. તેમા રહેલા ફળ અને શાકભાજીને બહાર નીકાળી લો. જેથી ફ્રીઝની અંદરની સફાઇ કરવામાં કોઇપણ પ્રકારની કોઇ સમસ્યા થશે નહી. ફ્રીઝમાં દુર્ગંધ આવવી એક સામાન્ય સમસ્યા છે. તેને દૂર કરવા માટે બેકિંગ સોડાનો ઉપયોગ કરો.
જ્યારે તમે ફ્રીઝની સફાઇ કરી રહ્યા છો તે સમયે એક નરમ કપડામાં થોડોક સોડા અને પાણી મિક્સ કરીને બરાબર સાફ કરી લો. આમ કરવાથી થોડાક સમયમાં ફ્રીઝમાંથી આવતી દુર્ગંધ દૂર થઇ જશે. ફ્રીઝની સફાઇ કરતા સમયે મીઠાનો ઉપયોગ કરી શકો છો.
સૌ પ્રથમ એક બાઉલમાં પાણી લઇને નવશેકું ગરમ કરો. હવે તે પાણીમાં મીઠું ઉમેરીને બરાબર મિક્સ કરો. હવે એક કાપડને પાણીમાં ડૂબાડીને ફ્રીઝને અંદરથી બરાબર સાફ કરી લો. સફાઇ કર્યા બાદ થોડીક વાર ફ્રીઝને ખુલ્લુ રહેવા દો. સફાઇ બાદ ફ્રીઝમાં દરેક સામાન ઢાંકીને રાખો. જેથી ખાવાની સ્મેલ અન્ય વસ્તુમાં ન જાય.