દિવાળી અને ભાઇબીજના તહેવારો મિઠાઇ વગર અધૂરા છે. તહેવારોમાં તો મિઠાઇ ખાધી જ પરંતુ શાહી પકવાન ખાઇને પણ આપણે હજુ ધરાયા નથી. તહેવારોમાં ડાયેટ અને એક્સરસાઇઝ ફોલો ન થઇ શકે જેના કારણે તબિયત બગડવાની સંભાવનાઓ વધી જાય છે. કેટલીક આસાન ટિપ્સ છે જેનાથી બોડીને સારી રીતે ડિટોક્સ કરી શકાય છે.
તહેવારો મિઠાઇ વગર અધૂરા
તબિયત ખરાબ છે તો કરો બોડી ડિટોક્સ
આસાન રીતે થઇ જશે તમારી બોડી ડિટોક્સ
સવારે ગરમ લીંબુ પાણી
દિવસની શરુઆત નવસેકા પાણીમાં લીંબુ નાંખીને પીવાથી કરો, એક ગ્લાસ ગરમ પાણીમાં અડધી ચમચી લીંબુનો રસ નાંખો અને પી જાઓ. લીંબુ શરીરને ઝડપથી ડિટોક્સ કરે છે.
પ્રોટીનની માત્રા વધારો
વજન ઘટાડવામાં પ્રોટીન સૌથી વધારે અસરદાર માનવામાં આવે છે. પ્રોટીન માંસપેશીઓ બનાવવામાં મદદ કરે છે, તમારા ડાયેટમાં ઇન્ડા, ચિકન, બીન્સ અને દાળ જેવી વસ્તુઓ સામેલ કરો.
ફાઇબર વધુ ખાઓ
ફાઇબરને એક નેચરલ ડિટોસ્કિફાઇંગ એજન્ટ માનવામાં આવે છે. પોતાના ડાયેટમાં ખુબ ફાઇબર એડ કરો જેનાથી શરીર મજબૂત બનશે.
ખાવાની તૈયારી પહેલાથી કરો
હેલ્ધી ખાતા હોવ ત્યારે પ્લાનિંગ સૌથી વધારે મહત્વનું છે. થોડા થોડા સમય અંતરે ખાઓ જેનાથી તમને ભૂખ ઓછી લાગશે અને ઓવર ઇટીંગથી તમે બચી શકશો.
પાણીની માત્રા વધારો
તહેવારોમાં અનહેલ્ધી ખાધા બાદ શરીરને ડિટોક્સ કરવું ખુબ જરૂરી છે. જેના માટે પાણીથી સારુ કંઇ જ ન હોઇ શકે, દિવસભરમાં 8-9 ગ્લાસ પાણી પીઓ, જેના કારણે તમારા શરીરમાં રહેલા ટોક્સિન બહાર નીકળી જશે.