લાયા બાકી / એવું તો શું છે આ ફુગ્ગાઓમાં, ફોડવાનું શરૂ કરો તો મજા જ આવ્યા કરે? વૈજ્ઞાનિકોએ કર્યું રિસર્ચ

• બબલ રેપ જોતાની સાથે જ કેમ થાય છે ફોડવાનું મન 
• જાણો હાથમાં કેમ થવા લાગે છે સળવળાટ 
• તેની પાછળ છે વૈજ્ઞાનિક કારણ

જ્યારે પણ ઘરમાં કોઈ નવો સામાન આવે છે તેની સાથે પેકિંગમાં મળેલા બબલ રેપ લોકો ફેંકી નથી દેતા પરંતુ તેને ફોડવા લાગે છે. બબલ રેપને જોઈને મોટી ઉંમરના લોકો પણ જાણે બાળક બની જાય છે. પરંતુ શું તમને ખબર છે કે તેના પાછળનું કારણ શું છે?  કેમ દરેક ઉંમરના લોકો બબલ રેપને ફોડવાથી પોતાને રોકી નથી શકતા? આજે અમે તમને તેનું કારણ બતાવવા જઈ રહ્યા છે. જેની સાથે બબલ રેપ ફોડવાના ફાયદા વિશે પણ જણાવીશું. 

હાથમાં થવા લાગે છે સળવળાટ 
એક શોધ અનુસાર જ્યારે પણ આપણા હાથમાં કોઈ સ્પંજી વસ્તુ આવે છે તો અમારા હાથોમાં એક સળવળાટ થાય છે. જેના કારણે આપણે પોતાના પર કંટ્રોલ નથી કરી શકતા અને તે વસ્તુને ફોડવા માટે મજબૂર થઈ જઈએ છીએ. 

સ્ટ્રેસ દૂર કરવામાં પણ મળે છે મદદ 
જ્યારે આપણે કોઈ સ્ટ્રેસમાં હોઈએ છીએ તો આવી સ્થિતિમાં પણ સ્પંજી વસ્તુઓને પકડવામાં ખૂબ સેટિસ્ફેક્શન મળે છે. એટલે કે મામુલી સામાન પેક કરનાર બબલ રેપને ફોડવાથી સ્ટ્રેસમાંથી મુક્તિ મળે છે. નેશનલ સેન્ટર ફોર બાયોટેક્નોલોજી ઈન્ફોર્મેશન અનુસાર બબલ રેપ ફોડવાથી સ્ટ્રેસ લેવલને ઓછું કરવામાં મદદ મળે છે. જે લોકો બબલ રેપ ફોડે છે તે સામાન્ય લોકોની તુલનામાં વધારે એક્ટિવ અને ઉત્સાહી હોય છે. 

વારંવાર બબલ ફો઼ડવાનું કરે છે મન
જો આપણે એક વખત બબલ ફોડવાનું શરૂ કરીએ છીએ તો આપણને તેને વારંવાર ફોડવાનું મન થાય છે. જે એક સારી વાત છે. એવું કરવાથી સ્ટ્રેસ દૂર થાય છે જેના કારણે ફોકસ કરી શકાય છે. આ અસલમાં ત્યારે ફાયદાકારક બને છે જ્યારે અંગુઠા અને પહેલી આંગળી એક સાથે જોડીને રેપના બબલને ફોડવાનો પ્રયત્ન કરવામાં આવે.

લોકોને આકર્ષિત કરે છે બબલ 
એક શોઘમાં જાણવા મળ્યું છે કે બબલ રેપ એટલા આકર્ષક હોય છે કે કોઈનું પણ ધ્યાન પોતાની તરફ ખેંચી લે છે. તેને જોઈને લોકોને તેને ફોડવાનું મન કરે છે. હકીકતમાં બબલ રેપનો ઉપયોગ તમે એક મનોચિકિત્સા માટે એક સારા મેડિટેશન ટૂલના રૂપમાં કરી શકો છો. 

મનોરોગ ચિકિત્સા માટે સારું
સીલ્ડ એર કોર્પોરેશન દ્વારા કરવામાં આવેલી એક સ્ટડીમાં જાણવા મળ્યું કે 1 મિનિટ બબલ રેપ ફોડવાથી સ્ટ્રેસને 33 ટકા સુધી ઓછું કરી શકાય છે. જ્યારે આટલો સ્ટ્રેસ 30 મિનિટના મસાજથી ઓછો થાય છે. બબલ રેપ ફોડતી વખતે સ્ટ્રેસમાં ઘટાડો જોવા મળ્યો છે.