અમદાવાદ / તારે ના રહેવું હોય તો જતી રહે હું મારા દીકરા માટે બીજી શોધી લઈશ

શહેરનો આ કિસ્સો જાણી તમારા રૂવાંટા ઊભા થઈ જશે 
મારે તને હવે રાખવાની નથી એમ કહીને પતિ જતો રહ્યો
પતિ અને સાસરિયાંએ યુવતીના ભાઈને  માર માર્યો 


ફતેવાડીમાં રહેતી યુવતીને મારે તને હવે રાખવાની નથી અને તને મારા ઘરેથી કોઈ લેવા કે સમજાવવા નહીં આવે આમ કહીને પતિ જતો રહ્યો હતો. જેથી યુવતી તેના પરિવારને લઈને સાસરે ગઈ હતી તે વખતે યુવતીના ભાઈને સાસરિયાંએ ગડદાપાટુંનો માર માર્યો હતો.

આ કિસ્સો જાણી તમારા રૂવાંટા ઊભા થઈ જશે 

ફતેવાડીના અલ ખૈબર ડુપ્લેક્સમાં રહેતી ૨૯ વર્ષીય યુવતીએ સાસરિયાં વિરુદ્ધ વેજલપુર પોલીસ સ્ટેશનમાં ફરિયાદ નોંધાવી છે. પરિણીતાનાં લગ્ન ૨૦૧૩માં મોહંમદ ફરહાન સાથે થયાં હતાં. ત્યારબાદ   થોડા દિવસ સુધી પતિ તેમજ સાસરિયાંએ પરિણીતાને સારી રીતે રાખી હતી. પરિણીતા જ્યારે નોકરી પર જતી ત્યારે તેનો પતિ શંકા રાખીને ગાળો બોલીને માર મારતો હતો.

મારે તને હવે રાખવાની નથી એમ કહીને પતિ જતો રહ્યો

આ વાતની જાણ તેની સાસુને કરતી હતી ત્યારે સાસુએ કહ્યું કે તું એવી જ છું આમ કહીને મહેણાં-ટોણાં મારીને કહેતી કે તારે ના રહેવું હોય તો   જતી રહે હું મારા દીકરા માટે બીજી શોધી લઈશ આમ કહીને માનસિક ત્રાસ આપતાં હતાં.

પરિણીતા તેના પિયરમાં હતી ત્યારે તેના પતિનો ફોન આવ્યો

ગઈ કાલે પરિણીતા તેના પિયરમાં હતી ત્યારે તેના પતિનો ફોન આવ્યો હતો. તેણે પરિણીતાને મળવા માટે બોલાવી હતી.આ વખતે પતિઅે પરિણીતાને કહ્યું કે તારે જે કરવું હોય તે કર હવે મારે તને નથી રાખવાની અને મારા ઘરમાંથી તને કોઈ સમજાવવા કે લેવા નહીં આવે. આમ કહીને જતો રહ્યો હતો. 

પતિ અને સાસરિયાંએ યુવતીના ભાઈને  માર માર્યો 

આ વાત તેણે તેના પરિવારને જાણ કરી હતી. ત્યારે પરિણીતા અને તેનાં માતા પિતા તેમજ ભાઈ પરિણીતાના સાસરે ગયા હતા. પરિણીતાના ભાઈને પતિ તેમજ સાસરિયાંએ ગડદાપાટુંનો માર માર્યો હતો. પરિણીતાએ આ અંગે વેજલપુર પોલીસમાં જાણ કરી હતી. પરિણીતાએ પતિ તેમજ સાસરિયાં વિરુદ્ધ કંટાળીને ફરિયાદ નોંધાવી હતી. પોલીસે ગુનો નોંધી વધુ તપાસ હાથ ધરી છે.