Monday, June 24, 2019
સબસ્ક્રાઈબ કરો VTVGujarati ન્યુઝ Whatsapp

સાવધાન / ફળ અને શાકભાજી ન ખાતા હો તો આજથી જ ચેતી જાવ

ફળ અને શાકભાજી ન ખાતા હો તો આજથી જ ચેતી જાવ

તાજેતરમાં થયેલા એક સંશોધન મુજબ ફળ અને શાકભાજી ન ખાનારી વ્યક્તિઓમાં મૃત્યુનું જોખમ વધી જાય છે. પુરતી માત્રામાં ફળ અને શાકભાજી ન ખાવાથી દુનિયાભરમાં લાખો લોકો દર વર્ષે હ્રદય અને આઘાત સંબંધિત બીમારીઓના કારણે મોતને ભેટે છે.

એક અભ્યાસમાં મળેલી જાણકારી મુજબ ફળ અને શાકભાજી ન ખાતા લોકોમાં સામાન્ય લોકોની સરખામણીમાં મોતનો ખતરો વધુ હોય છે.

અભ્યાસમાં જાણવા મળ્યુ છે કે હ્રદય સંબંધિત બીમારીથી થતા મૃત્યુની ઘટનામાં સાત વ્યક્તિમાંથી એકનું મોત પર્યાપ્ત માત્રામાં ફળ નહી ખાવા અને 12માંથી એક વ્યક્તિનું મૃત્યુ પર્યાપ્ત માત્રામાં શાકભાજી ન ખાવાના લીધે થાય છે.

રિસર્ચરોએ જણાવ્યુ કે પર્યાપ્ત માત્રામાં ફળ નહીં ખાવાના કારણે 2010માં 18 લાખ લોકો મૃત્યુ પામ્યા હતાં, જ્યારે પર્યાપ્ત માત્રામાં શાકભાજી ન ખાવાના કારણે 10 લાખ લોકો મોતને ભેટ્યા હતા. અમેરિકાની ટુફ્ટ્સ યુનિવર્સીટીના રિસર્ચર વિક્ટોરિયા મિલરે જણાવ્યુ કે ફળ અને શાકભાજી આપણા આહારના જરુરી ઘટક છે, જે એ બિમારીઓથી થતા મૃત્યુ રોકવામાં અસરકારક સાબિત થાય છે જેનો ઇલાજ શક્ય છે.
 

lifestyle Health Fruit vegetables research

જોવા જેવું વધુ જુઓ

બ્રેકિંગ ન્યૂઝ