પોર્ટલ પર 24 કલાકમાં 50થી વધારે વખત OTP જનરેટ કરનાર લોકો અને વેક્સીન સ્લોટ માટે 1 હજારથી વધારે વખત સર્ચ કરનાર યુઝર્સને બ્લોક કરી દેવામાં આવશે.
કોવિન પર વારંવાર રજીસ્ટ્રેશન કરતા પહેલા આ ખાસ વાંચી લેજો
વારંવાર રજીસ્ટ્રેશન અને સ્લોટબૂક કરનાર થઈ શકે છે બ્લોક
વારંવાર OTP જનરેટ થશે તો પણ થઈ જશો બ્લોક
કોરોના વેક્સિનના રજીસ્ટ્રેશન, સ્લોટ બુકિંગ અને સર્ટિફિકેટ માટેની એપ કોવિન પર વધતા જતા પ્રેશરના કારણે સરકારે એપમાં અમુક ખાસ ફેરફાર કર્યા છે. એક રિપોર્ટ અનુસાર પોર્ટલ પર 24 કલાકમાં 50થી વધારે વખત OTP જનરેટ કરનાર લોકો અને વેક્સીન સ્લોટ માટે 1 હજારથી વધારે વખત સર્ચ કરનાર યુઝર્સને બ્લોક કરી દેવામાં આવશે. આવા યુઝર્સ 24 કલાક બાદ ફરી કોવિન પર સ્લોટ સર્ચ અથવા લોગઈન કરી શકશે.
સરકારે પોર્ટલ પર કર્યા છે આ ફેરફાર
પોર્ટલ સાથે જોડાયેલા એક અધિકારીએ જણાવ્યું કે આવા યુઝર્સ જે 15 મિનિટની અંદર 20 અથવા તેનાથી વધારે વખત સ્લોટ સર્ચ કરવાનો પ્રયત્ન કરે છે. તેમને સિસ્ટમ તત્કાલ લોગ-આઉટ કરી દે છે. પોર્ટલ પર લોગઈન કર્યા વગર જ સ્લોટની ઉપલબ્ધતા જોવાનો ઓપ્શન આપવામાં આવે છે. એવામાં યુઝરને લોગિન કર્યા બાદ વધારે સર્ચિંગ કરવાની જરૂર નથી. અમે સુરક્ષા અને પોર્ટલ પર લોડ ઓછો કરવાના ઉદ્ધેશ્યથી આ પગલું ભર્યું છે.
સર્ટિફિકેટમાં કરેક્શન પણ કરાવી શકશો
આ પહેલા કેન્દ્ર સરકારે કોવિન પોર્ટલ પર નવું ફિચર એડ કર્યું હતું. વેક્સિન લેનાર વ્યક્તિના વેક્સિન સર્ટિફિકેટમાં જો ભૂલ થઈ ગઈ હોય તો તેને કોવિન પોર્ટલ દ્વારા સુધારી શકાશે. તેના દ્વારા નામ, ડેટ ઓફ બર્થ અથવા જેન્ડર સાથે જોડાયેલી ભુલોને સુધારી શકાય છે.