હેલ્થ ટિપ્સ / જલ્દી ઘરડાં ન થવું હોય તો આ ખાસ વાંચો

આપણે આપણી આસપાસમાં ઘણા લોકોને જોયા હશે જે નાની ઉંમરમાં જાણે વૃધ્ધ થઇ ગયા હોય છે તો કેટલાક એવા પણ લોકો છે જે 65 વર્ષે પણ તરવરિયા યુવાન જેવા લાગે છે. કેટલીક બાબતોનું ધ્યાન રાખીએ તો આપણે પણ ક્યારેય વૃધ્ધ નહીં થઇએ. એક વાત વિચારો તમે દિવસમાં કેટલા કલાક બેસી રહો છો. આપણે મગજથી કામ તો કરીએ છીએ. મગજ હંમેશા ચાલતુ રહે છે ક્યારેક આપણે સુઇ જઇએ તોય એ ચાલતુ હોય છે, પરંતુ આપણે શરીરને હલાવવાની પણ તસ્દી લેતા નથી. 

એક રિસર્ચ મુજબ આ કારણે શરીરના કોષો આઠ વર્ષ વહેલા વૃધ્ધ થઇ જાય છે. શરીરને આપણે જેટલું ચલાવીશું તેટલું ચાલશે તે યાદ રાખો. આપણે દિવસનો
મોટાભાગનો સમય બેસી રહેવામાં વિતાવી દઇએ છીએ.

તમે ક્યારેક તો માર્ક કર્યુ જ હશે કે આપણું શરીર આપણા વડવાઓ કરતા નબળું છે. તેનું કારણ એજ કે આપણે તેમના જેટલું શરીર કસતા નથી. તમારા દાદા દાદી 70 વર્ષે જે કામ કરતા થાકતા ન હતા તે તમે 50 વર્ષે પણ કરી શકતા નથી. શરીરને આરામ આપીને આપણે તેને વધુ નબળુ બનાવી દીધું છે. વળી બેઠાડુ જીવનના કારણે લાઇફસ્ટાઇલ ડીસીઝ ઘર કરી રહ્યા છે. વજન વધવાના લીધે તેની સીધી અસર હાડકા અને સ્નાયુઓ પર થાય છે. હાડકાનું ડીજનરેશન તો નાની ઉંમરે પણ શરુ થઇ જાય છે.

શું કરીને રોકશો વૃધ્ધાવસ્થા
- શરીર મશીન છે. જેમ મશીન વાપર્યા વગર પડ્યુ રહે તો કાટ લાગી જાય છે તેજ રીતે શરીરનું પણ છે. શારિરીક એક્ટિવિટી
વધારવાથી અર્લી એજિંગને રોકી શકાય છે.
- ફોન પર વાત કરતા હો ત્યારે બેસી રહેવાના બદલે ચાલતા ચાલતા વાત કરો.
- ઘરના નાના મોટા કામ જાતે કરો. એકની એક જગ્યાએ બેસી ન રહો.
- જે અંગ ઓછુ ઉપયોગમાં લેવાય છે તે જલ્દી ઘસાય છે. પહેલા કરતા એટલે જ અત્યારે ઘુંટણના પ્રોબલેમ વધુ થાય છે. આમ ન થાય તે માટે એક્ટિવ લાઇફસ્ટાઇલ માટે તૈયાર રહો.
- સવારે અને સાંજે ચાલવાને આદત બનાવો. યોગ અને પ્રાણાયમ કરો