સ્વાસ્થ્ય / તમે નથી ખાતા ને આ 8 પ્રકારની દવાઓ, કંટ્રોલમાં રહેવાને બદલે વધશે તમારું બ્લડપ્રેશર

વિશ્વભરમાં બ્લડ પ્રેશર એક ગંભીર સમસ્યા બનીને ઉભરી રહી છે. વિશ્વમાં કુલ અત્યારે 1.3 અબજ લોકો બ્લડ પ્રેશરના પેશન્ટ છે. બ્લડ પ્રેશરના કારણે હાર્ટની બીમારીઓ પણ થઈ શકે છે. તમને જાણીને નવાઈ લાગશે કે બ્લડ પ્રેશર 8 જેટલી દવાના સેવનથી પણ ધીરે ધીરે વધે છે. તે દવા કઈ છે તે વિશે અહીંયા જાણીશું.

• હાઈ બ્લડ પ્રેશરમાં શું થાય છે?

જ્યારે શરીરમાં રક્ત વાહિનીઓની દિવાલો પર ખૂબ પ્રેશર હોય ત્યારે આપણા હૃદય અને રક્ત બંનેની ધમનીઓ પર પ્રેશર ઊભું થાય છે. જેના કારણે હાર્ટ એટેક, સ્ટ્રોક અને કિડનીને નુકસાન થઈ શકે છે. સામાન્ય સ્થિતિમાં બ્લડ પ્રેશર 120/80 mm Hgની આસપાસ હોય છે પરંતુ હાઈ બ્લડ પ્રેશરમાં 130/80 mm Hg કે તેથી પણ વધુ થઈ જાય છે.

• શરદી અને ઉધરસની દવાઓ

વધુ પડતી શરદીની દવાઓ પણ જોખમ ઉભુ કરે છે. તે શ્વસન માર્ગમાં રક્તવાહિનીઓને સંકુચિત કરે છે.જેનાથી સોજો ઘટે છે. આ દવાઓના વધુ પડતા ઉપયોગને કારણે બ્લડ પ્રેશરમાં વધારો થઇ શકે છે.

• બર્થ કંટ્રોલ પિલ્સ

ગર્ભાવસ્થાને રોકવા માટે એસ્ટ્રોજન યુક્ત બર્થ કંટ્રોલ પિલ્સ લેવાથી પણ હાઈ બ્લડ પ્રેશરની સમસ્યા થઈ શકે છે. આ દવાઓ લાંબા સમય સુધી લેવાથી અન્ય ઘણી ગંભીર સમસ્યાઓનું જોખમ પણ વધે છે. તેથી આ દવાઓ ડૉક્ટરની સલાહ મુજબ જ લેવી જોઈએ.

• વજન ઘટાડવાની દવાઓ
  હાલમાં વજન ઘટાડવા માટે દવાઓ લેવાનું પ્રમાણ વધ્યું છે. પરંતુ  આ દવાઓ મેદસ્વીતાપણું ઘટાડવાની સાથે હૃદય રોગનું જોખમ પણ વધારે છે. જેથી આ તમામ દવાઓ લેતા પહેલા ડૉક્ટરની સલાહ લેવી જરૂરી છે.

• નોનસ્ટીરોઇડ એન્ટી ઇન્ફ્લેમેટરી દવાઓ

આ દવાઓનો ઉપયોગ લગાતાર થતાં દુખાવામાં લેવામાં આવે છે અને તે સોજો પણ ઘટાડે છે. સંધિવાની સમસ્યામાં પણ આ દવા લેવામાં આવે છે. એક રિપોર્ટ મુજબ NSAID દવાઓ લેવાથી હાર્ટ અટેક અથવા સ્ટ્રોકનું જોખમ વધી જાય છે. તેથી, આ દવાઓ ડૉક્ટરની સલાહ વગર ન લેવી.

• કોર્ટીકોસ્ટેરોઇડ્સ અથવા સ્ટેરોઇડ્સ

કોર્ટીકોસ્ટેરોઈડ જે સ્ટેરોઈડ પણ કહેવાય છે. આ દવાઓ સોજો ઘટાડવા અને રોગપ્રતિકારક શક્તિને મજબૂત કરવા ઉપયોગમાં આવે છે. કોર્ટીકોસ્ટેરોઈડ્સના ઉપયોગથી હાઈ બ્લડ પ્રેશર અને હાર્ટ અટેકનો ખતરો રહે છે.

• એન્ટીડિપ્રેસેન્ટ દવા
  ડિપ્રેશન, ક્રોનિક સ્ટ્રેસ, સ્ટ્રેસ વગેરે જેવી માનસિક સમસ્યાઓની સારવારમાં વપરાતી એન્ટીડિપ્રેસન્ટ દવા પણ જોખમી સાબીત થઈ શકે છે. આ દવાઓ મનોચિકિત્સક દ્વારા સૂચવવામાં આવે ત્યારે જ તેને લેવી જોઈએ. નહીં તો આ દવાઓ લાંબા સમય સુધી લેવાથી હાઈ બ્લડ પ્રેશરની સમસ્યા થઈ શકે છે.

વધુ વાંચો : બ્રેસ્ટ કેન્સરનો ખતરો ટળી જશે, જો દરેક માતા રાખશે આ બાબતનું ધ્યાન, જાણો

• ઇમ્યુનોસપ્રેસેન્ટ્સ

ઇમ્યુનોસપ્રેસેન્ટ્સ દવાથી રોગપ્રતિકારક શક્તિને નબળી પડે છે. આ દવા ઘણીવાર શરીરમાં ઓર્ગન ટ્રાન્સપ્લાન્ટ બાદ ઓર્ગનના અસ્વીકૃતિને રોકવા માટે લેવામાં આવે છે. એક અભ્યાસ મુજબ કેટલીક ઇમ્યુનોસપ્રેસેન્ટ દવાઓ લેવાથી બ્લડ પ્રેશર વધે છે.

• માઇગ્રેન દવાઓ
  માઈગ્રેનની સમસ્યા માટે લેવામાં આવતી દવાઓનો લાંબા સમય સુધી ઉપયોગ કરવાથી હાઈ બ્લડ પ્રેશર અને ડાયાબિટીસનું જોખમ વધી જાય છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ