અમરાઈવાડી વિસ્તારમાં રહેતી એક યુવતીએ હર્ષ ચાવડા વિરુદ્ધમાં ફરિયાદ નોંધાવી છે. ફરિયાદમાં જણાવ્યા મુજબ યુવતીને આજથી એક વર્ષ અગાઉ ચોટીલા તાલુકાના રાતકડી ગામના હર્ષ ચાવડા નામના યુવક સાથે ફેસબુક પર પિરચય થયો હતો. ત્યારબાદ આ પરિચય પ્રેમમાં પરિણમ્યો હતો અને બન્ને જણાં અવારનવાર મળતાં હતાં અને મળતાં ત્યારે એકબીજાના મોબાઈલમાં ફોટા પાડતા હતા.
શહેરના અમરાઇવાડી વિસ્તારમાં રહેતી ર૩ વર્ષની એક યુવતીને ફેસબુકની ફ્રેન્ડશિપ બાદ પ્રેમ કરવો મોંઘો સાિબત થયો છે. યુવતીએ ચોટીલાના યુવક સાથે પ્રેમ કર્યા બાદ તે પરિણીત હોવાની જાણ થઇ હતી, જેથી યુવતીએ તેની સાથે સંબંધ તોડી નાખી અન્ય જગ્યાએ સગાઇ કરી લીધી હતી. યુવતીના પ્રેમમાં પડેલા યુવકને જાણ થતાં તેણે ફેસબુક પર ફોટા અપલોડ કરવાની ધમકી આપી યુવતીને સગાઇ તોડી નાખવા દબાણ કર્યું હતું.
પ્રાપ્ત માહિતી અનુસાર અમરાઈવાડી વિસ્તારમાં રહેતી એક યુવતીએ હર્ષ ચાવડા વિરુદ્ધમાં ફરિયાદ નોંધાવી છે. ફરિયાદમાં જણાવ્યા મુજબ યુવતીને આજથી એક વર્ષ અગાઉ ચોટીલા તાલુકાના રાતકડી ગામના હર્ષ ચાવડા નામના યુવક સાથે ફેસબુક પર પિરચય થયો હતો. ત્યારબાદ આ પરિચય પ્રેમમાં પરિણમ્યો હતો અને બન્ને જણાં અવારનવાર મળતાં હતાં અને મળતાં ત્યારે એકબીજાના મોબાઈલમાં ફોટા પાડતા હતા.
થોડા દ્દિવસ પછી યુવતીને ખબર પડી કે તે જેને પ્રેમ કરે છે તે પરિણીત છે અને તેને પત્ની પણ છે, જેથી હર્ષે ખોટું બોલીને યુવતીને પ્રેમજાળમાં ફસાવી હતી, જેથી યુવતીએ બે મહિના પહેલાં હર્ષ સાથે સંબંધ તોડી નાખ્યો હતો, પરંતુ હર્ષ અવારનવાર ફોન કરીને યુવતીને હેરાન કરતો હતો. યુવતીએ આ અંગે તેના પરિવારને કહેતાં તેમણે યુવકને સમજાવ્યો હતો, પરંતુ હર્ષ સમજ્યો ન હતો અને હર્ષ પરિવારને કહેતો હતો કે તમારી છોકરીનાં લગ્ન મારી સાથે કરાવી દો, નહીં કરાવો તો હું કરીશ અને બીજે લગ્ન ક્યાંય પણ નહીં થવા દઉં.
યુવતીની અન્ય એક જગ્યાએ સગાઇ થવાની હતી, પરંતુ હર્ષે ખબર પડતાં તેણે યુવતીને ધમકી આપી કે તું મારી સાથે સંબંધ નહીં રાખે તો તારા ફોટા સોશિયલ મીડિયામાં વાઇરલ કરી દઈશ અને તારા ભાવિ પતિને પણ ફોટા મોકલી બદનામ કરીશ.
હર્ષ અલગ અલગ નંબરથી ફોન કરીને યુવતીને હેરાન કરતો હતો અને વારંવાર ધમકીઓ આપતો હતો, જેથી યુવતીએ હર્ષથી કંટાળી જઇ અમરાઈવાડી પોલીસ સ્ટેશનમાં તેની વિરુદ્ધમાં ફરિયાદ કરી છે. યુવતીની ફરિયાદના આધારે પોલીસે આગળની કાર્યવાહી શરૂ કરી છે.