મેસેજીંગ ઍપ વૉટ્સઍપનો ઉપયોગ તમે કરો છો તો તમારે વૉટ્સઍપ પોલીસી એક્સેપ્ટ કરવી પડશે નહીંતર તમારુ અકાઉન્ટ બંધ થઇ જશે.
વૉટ્સઍપની પ્રાઇવસી પોલીસી કરવી પડશે એક્સેપ્ટ
120 દિવસ બાદ અકાઉન્ટ થશે ડિલીટ
દેશભરમાં પોલીસીનો થયો હતો વિરોધ
કંપનીએે કહ્યું હતુ કે યુઝર્સે આ પોલીસીને સ્વિકૃતિ આપવી પડશે. કંપનીએ પોલીસીને રિજેક્ટ કરવાનો કોઇ વિકલ્પ યુઝર્સ માટે રાખ્યો નથી. વોટ્સઍપની પહેલી પ્રાઇવસી ફેબ્રુઆરીમાં આવી હતી પરંતુ તેને લઇને મોટો વિવાદ થયો હતો. પ્રાઇવસીને લઇને વૉટ્સઍપે કહ્યું છે કે જો 15 મે પહેલા સ્વિકાર નહી કરો તો અકાઉન્ટ બંધ થઇ જશે.
બંધ થઇ જશે વૉટ્સઍપ
મહત્વનું છે કે 15 મે સુધી જે લોકો વૉટ્સઍપની પ્રાઇવસી પોલીસી એક્સેપ્ટ નહી કરે તે લોકોનું વૉટ્સઍપ અકાઉન્ટ બંધ થઇ જશે. સીધા શબ્દોમાં જો કહેવામાં આવે તો જ્યાં સુધી યુઝર્સ પોલીસી એક્સેપ્ટ નહી કરે ત્યાં સુધી તેમનુ અકાઉન્ટ બંધ રહેશે.
120 દિવસ બાદ અકાઉન્ટ થશે ડિલીટ
વૉટ્સઍપે સાફ શબ્દોમાં કહ્યું છે કે જો કોઇ યુઝર પોલીસી સ્વિકાર નહી કરે તો તે કોઇ પણ મેસેજ સેન્ડ કે રિસીવ નહી કરી શકે. 15 મે પહેલા તે પોતાની ચેટ હિસ્ટ્રીને ડાઉનલોડ કરી શકે છે. 120 દિવસ બાદ ઇનએક્ટિવ અકાઉન્ટ્સની ચેટ હિસ્ટ્રી જેમાં મેસેજ, કોલ્સ, વીડિયોઝ, ફોટોઝ વગેરે સામેલ હશે તે ડિલીટ કરી દેવામાં આવશે.
દેશભરમાં થયો હતો વિરોધ
તમને જણાવી દઇએ કે વૉટ્સઍપની નવી પોલીસીને લઇને દેશભરમાં વિવાદ ચાલી રહ્યો હતો. ભારતમાં વૉટ્સઍપના સૌથી વધુ યુઝર્સ છે. લોકોમાં નવી પોલીસીને લઇને નારાજગી છે પરંતુ વૉટ્સઍપે સાફ કર્યુ કે તેવું કંઇ જ નહી થાય અને તે અપડેટ અસલમાં બિઝનેસ અકાઉન્ટ સાથે જોડાયેલ છે.