ટેક દિગ્ગજ કંપની ગૂગલે મદ્રાસ હાઇકોર્ટના નિર્દેશોનુ પાલન કરતા ભારતમાં પૉપ્યુલર વીડિયો શૅરિંગ એપ TikTokને બ્લોક કરી દેવામાં આવ્યુ છે, જે મામલે આજે સુપ્રીમ કોર્ટમાં સુનાવણી હાથ ધરવામાં આવી હતી. જ્યાં કોર્ટમાં TikTok એપ્લીકેશન બનાવતી કંપનીએ પોતાની દલીલ રજૂ કરી હતી. જોઇએ TikTokનો આ વિષેશ અહેવાલ.
TikTok એપ્લીકેશન પર પ્રતિબંધ મામલે આજે સુપ્રીમ કોર્ટમાં સુનાવણી હાથ ધરવામાં આવી હતી, ત્યારે સુપ્રીમ કોર્ટમાં TikTok એપ્લીકેશન બનાવતી કંપનીએ પોતાની દલીલ રજૂ કરી. TikTok કંપનીએ કોર્ટમાં દલીલ કરતા કહ્યું કે, મદ્રાસ હાઈકોર્ટે અમારો પક્ષ સાંભળ્યા વગર રોક લગાવી. અમારી કંપનીને દરરોજ કરોડો રૂપિયાનું નુકસાન થઈ રહ્યું છે.
તો TikTok પર દલીલ બાદ સુપ્રીમ કોર્ટે કહ્યું કે, હાઈકોર્ટમાં આગામી સુનાવણી દરમિયાન તમારો પક્ષ રજૂ કરજો. 24 એપ્રિલના રોજ મદ્રાસ હાઈકોર્ટમાં સુનાવણી હાથ ધરાશે. 24 એપ્રિલના રોજ હાઈકોર્ટ આદેશ આપે નહીં તો પ્રતિબંધ દૂર થયેલો માનવું.
તમને જણાવી દઇએ કે, તાજેતરમાં કોર્ટે કેન્દ્ર સરકારને TikTok એપ પર પ્રતિબંધ લગાવવા માટે કહ્યુ હતુ. પ્રતિબંધ કરવા માટેનુ કારણ આ એપ પ્રોનોગ્રાફિક કન્ટેન્ટને પ્રોત્સાહન આપે છે. ચીનની કંપની Bytedance ટેક્નોલોજીએ કોર્ટથી TikTok એપ પરથી પ્રતિબંધ દૂર કરવાની માંગ કરી હતી, જોકે કોર્ટે અપીલ ફગાવી દીધી જે પછી ગૂગલે એપ હટાવવા માટેનો નિર્ણય કર્યો હતો.
મદ્રાસ હાઇકોર્ટે 3 એપ્રિલના કેન્દ્ર સરકારને TikTok પર પ્રતિબંધ હટાવવા માટે કહ્યુ. કોર્ટે કહ્યુ કે, TikTokને પ્રતિબંધ લગાવવાનો નિર્ણય એક વ્યકિત દ્વારા કરવામાં આવેલી અરજી પછી લેવામાં આવ્યો છે. IT મંત્રાલયના એક અધિકારી અનુસાર, કેન્દ્રે હાઇ કોર્ટના આદેશ પછી એપલ અને ગૂગલને એપ પ્રતિબંધ કરવા માટે પત્ર લખવામા આવ્યો હતો.
સરકારે ગૂગલ અને એપલને મદ્રાસ હાઇકોર્ટનો આદેશ પાલન કરવા માટે કહ્યુ. મંગળવારે મોડી રાત સુધી iOS એપ TikTok હતુ, જ્યારે ગૂગલ પ્લે સ્ટોર એપ પરથી હટાવી દેવામાં આવ્યુ. જે મામલે આજે સુપ્રીમ કોર્ટમાં સુનાવણી હાથ ધરવામાં આવી હતી.