ઈનોવેશન / જો તમે આ કામ કરી શકો તો બિલ ગેટસ તમને રુ,35 લાખ આપશે

• ફીચર ફોનમાં ડિજિટલ પેમેન્ટ માટે સિસ્ટમ તૈયાર કરનાર માટે બિલ ગેટ્સે ઈનામ જાહેર કર્યું
• બિલ ગેટ્સ અને તેમની પત્ની મેલિન્ડાના ગેટ્સ ફાઉન્ડેશન સાથે ભાગીદારી કરી છે
• સિસ્ટમ ડેવલપ કરનારને 35 લાખ રૂપિયા સુધીનું ઇનામ મળશે

ફીચર ફોનમાં ડિજિટલ પેમેન્ટ માટે સિસ્ટમ તૈયાર કરવા બિલ ગેટ્સે કર્યું આમ

સ્માર્ટફોન યુઝર્સ તેમનાં ફોન દ્વારા આસાનીથી ડિજિટલ પેમેન્ટ કરી રહ્યાં છે, પરંતુ ફીચર ફોનમાં આવી કોઈ સુવિધા નથી. તેથી 35 લાખનું ઈનામ મેળવવા તમારે ફીચર ફોન માટે પેમેન્ટ સિસ્ટમ તૈયાર કરવી પડશે. નેશનલ પેમેન્ટ કોર્પોરેશન ઓફ ઈન્ડિયા (NPCR) અનુસાર ફીચર ફોનથી * 99 # ડાયલ કરીને બહુ ઓછા 5 લાખ જેટલાં જ ટ્રાંઝેક્શન થઈ રહ્યાં છે. જેનો અર્થ
એ છે કે ફીચર ફોનથી ડિજિટલ પેમેન્ટ કરવું સહેલું નથી. જેનાં કારણે NPCRએ CIIE.CO તેમજ બિલ ગેટ્સ અને તેમની પત્ની મેલિન્ડાના ગેટ્સ ફાઉન્ડેશન સાથે ભાગીદારી કરી છે. આ માટે 'ગ્રાન્ડ ચેલેન્જ પેમેન્ટ્સ યુઝિંગ ફીચર ફોન્સ' નામની એક સ્પર્ધા યોજવામાં આવી છે.

આ સ્પર્ધામાં કેટલું ઈનામ મળશે

સ્પર્ધા ફીચર ફોન્સ માટે ડિજિટલ પેમેન્ટ સિસ્ટમ બનાવવાની છે. આ સિસ્ટમ ડેવલપ કરનારને 35 લાખ રૂપિયા સુધીનું ઇનામ મળશે. આ સ્પર્ધા માટે અરજી કરવાની છેલ્લી તારીખ 12 જાન્યુઆરી, 2020 છે. વિજેતાની જાહેરાત 14 માર્ચ, 2020 નાં રોજ કરવામાં આવશે. આ સ્પર્ધામાં પસંદ થયેલ સ્પર્ધકોને 11 ફેબ્રુઆરી 2020 થી NPCI APIનો એકસેસ મળશે. આ સિવાય
NPCRનાં નિષ્ણાતો પણ સ્પર્ધકને મદદ કરશે. આ સ્પર્ધામાં પહેલું ઇનામ 35,84,275 રૂપિયા, બીજું ઈનામ 21,50,565 રૂપિયા અને ત્રીજું ઇનામ 14,33,710 રૂપિયા છે. જોકે વિજેતાને ઈનામની રકમ ટેકસ કાપીને ચુકવાશે. આ સ્પર્ધામાં NPCR પેમેન્ટ સિકયોરિટી સહિત 4 જેટલા માપદંડના આધારે કરાશે.  https://grand-challenge.ciie.co/ પર અરજી કરવાની રહેશે.