બ્રેક-અપ થાય ત્યારે આપણે આપણી જાત પર કંટ્રોલ રાખી શકતા નથી, તેના દુખથી બહાર આવવું એટલુ આસાન નથી. પ્રેમ અચાનક જીવનમાંથી જતો રહે તો પોતાને સંભાળવું મુશ્કેલ બની જાય છે. જે લોકોનું બ્રેક-અપ લૉકડાઉનમાં થયુ છે તે લોકો ઘરમાં હોય અને તેથી વારે ઘડિયે જુની વાતો તેમને યાદ આવ્યા જ કરતી હોય છે.
લૉકડાઉનમાં બ્રેક-અપ થયુ છે તો ધ્યાન રાખો
આ 4 રસ્તા અપનાવાથી મળશે રાહત
સંબંધો ન સચવાતા થાય છે બ્રેક-અપ
સામાન્ય રીતે બ્રેક-અપના દુખમાંથી બહાર આવવા માટે પોતાની જાતને વ્યસ્ત રાખતા હોઇએ છીએ, મિત્રોને મળતા હોઇએ છીએ, બહાર ફરીએ છીએ પરંતુ લૉકડાઉનના સમયે આમાંથી કંઇ પણ કરવું શક્ય નથી. આવી પરિસ્થિતિમાં આ 4 રીતે બ્રેક-અપના દુખમાંથી બહાર આવી શકાય છે.
ઓનલાઇન મૂવિઝ
લૉકડાઉનમાં બહાર નથી જઇ શકાતુ પરંતુ પાસ્ટમાંથી બહાર આવવા માટે મૂવિઝથી સારો કોઇ વિકલ્પ નથી. મોટીવેશનલ મૂવિઝનું લિસ્ટ બનાવો અને ઓનલાઇન તે ફિલ્મોને જુઓ. તમારુ ધ્યાન જુની વાતો પરથી હટશે તો જ તમે હસી શકશો.
મિત્રો સાથે વાત કરો
મિત્રોને મળી નથી શકતા પરંતુ ફોન તો કરી શકો છો, વીડિયો કોલ કે ઓડિયો કોલ દ્વારા તમે તમારા મિત્રો સાથે તમારી ફિલિંગ શૅર કરી શકો છો.
બૂક્સ
લૉકડાઉનમાં ન કર્યા હોય તેવા કામ કરવાની શરૂઆત કરો, જેમકે પુસ્તકો તમે નથી વાંચ્યા તો પુસ્તકો વાંચવાની શરૂઆત કરો. પુસ્તક વાંચવાથી તમે જુની યાદોમાંથી બહાર આવવા લાગશો. પ્રેરક પુસ્તકો વાંચવાથી વધુ સારો લાભ મળશે.
ઓનલાઇન ડેટિંગ
ઘણી એવી ઍપ્લિકેશન છે જેમાં ઓનલાઇન ડેટ કરી શકો છો. જુના સંબંધમાંથી બહાર આવવા માટે તમે આ ઍપનો ઉપયોગ કરી શકો છો અને નવા સંબંધો વિકસાવી શકો છો.