ફાયદાની વાત / હોમ લોન લેવાનુ વિચારતા હોવ તો આ બાબતોનું ખાસ રાખજો ધ્યાન

• સપનાનું ઘર લેવુ ઇઝી
• હોમ લોન લેતી વખતે રાખો ધ્યાન
• આ પ્રકારે થશે તમને ફાયદો 

જોઈન્ટ લોન 
જો કુટુંબના બે લોકો કમાય છે અને તમે ખરીદેલી મિલકત માતા-પુત્ર, માતા-પુત્રી, પિતા-પુત્ર, પિતા-પુત્રી અથવા પત્ની-પતિના નામે છે, તો પછી તમે સંયુક્ત લોન એકાઉન્ટ ખોલી શકો છો. પરંતુ યાદ રાખો કે મોટાભાગની બેન્કો ભાઈ-બહેનને સંયુક્ત હોમ લોન આપતી નથી.

કમ્બાઇન્ડ હોમ લોન 
કેટલીક બેંકો મહિલા કો-એપ્લિકેન્ટને સંયુક્ત હોમ લોનમાં ઓછા વ્યાજ દરે લોન આપે છે. મહિલાઓ સામાન્ય વ્યાજના દરથી નીચેના 0.05 ટકાના દરે લોન મેળવી શકે છે.  સંયુક્ત હોમ લોનમાંથી કર મુક્તિનો લાભ પણ ફાયદાકારક છે કારણ કે બંને અરજદારને ટેક્સ છૂટ મળે છે. જોઈન્ટ લોન લેતી વખતે ધ્યાનમાં રાખો કે બંને અરજદારોનું દેવું અને આવકનું પ્રમાણ 50 થી 60 ટકાથી વધુ ન હોવું જોઈએ. નહી તો આવી સ્થિતિમાં લોનની અરજી નામંજૂર થઈ શકે છે. 

ક્રેડિટ સ્કોર
જો યોગ્ય ક્રેડિટ સ્કોરના અભાવને કારણે બેન્કો ધિરાણ આપવામાં અસમર્થ હોય, તો અન્ય અરજદારનો સારો ક્રેડિટ સ્કોર તરત જ બેંકનો અભિપ્રાય બદલી નાખે છે. બેંક ફક્ત લોન આપવા માટે ઝડપથી જ સહમત થતું નથી, પરંતુ લોન મેળવવાની પ્રક્રિયા પણ સરળ બને છે.