ચેતવણી / લગ્નપ્રસંગમાં બાળકોને સાથે લઈ જતાં હોય તો સાચવજો, સુરતમાં બની કંપારી છૂટી જાય તેવી ઘટના

• સુરતમાં લગ્નપ્રસંગમાં બાળકીની છેડતીનો પ્રયાસ
• બે સંતાનના પિતાએ 9 વર્ષની બાળકી સાથે કર્યા અડપલા 
• CCTV ચેક કરતા નરાધમની થઈ ઓળખ
• પોલીસે લલિત કાવેડિયા નામના આરોપીની ધરપકડ કરી 

જો તમે લગ્ન પ્રસંગમાં બાળકોને સાથે લઈ જાવા છો આ ઘટના ખાસ વાંચજો, સુરતના સિટીલાઈટ વિસ્તારમાં એક 9 વર્ષની બાળકી સાથે એક શખ્સે અડપલાં કરતાં ચકચાર મચી જવા પામી છે. મહત્વનું છે કે, અડપલા કરનાર શખ્સ બાળકીનો સંબંધી છે. અને તે બે સંતોનો પિતા છે. આ સમગ્ર ઘટના અંગેની જાણ જ્યારે બાળકીએ પિતાને કરતાં પિતાએ ઉમરા પોલીસ સ્ટેશનમાં શખ્સ વિરૂદ્ધ ફરિયાદ નોંધાવી. 

CCTV ચેક કરતા નરાધમની થઈ ઓળખ

સુરતના સિટીલાઈટ વિસ્તારમાં એક 9 વર્ષની બાળકી સાથે એક શખ્સે અડપલાં કરતાં લોકોમાં ભારે રોષ જોવા મળી રહ્યો છે.આ સમગ્ર ઘટના અંગેની જાણ જ્યારે બાળકીએ પિતાને કરતાં પિતાએ ઉમરા પોલીસ સ્ટેશનમાં શખ્સ વિરૂદ્ધ ફરિયાદ નોંધાવી. આમ ફરિયાદ મળતા ની સાથે પોલીસ તપાસ હાથ ધરી હતી. જે દરમિયાન પોલીસને CCTVના ફૂટેજ મળ્યાં હતાં. જેની તપાસ કરતાં આરોપીની ઓળખ થઈ હતી. જે બાદ પોલીસે તુરંત જ લલિત કાવેડિયા નામના આરોપી ધરપકડ કરી હતી. મહત્વનું છે કે તપાસ દરમિયાન પોલીસને માલૂમ પડ્યું હતું કે, આરોપીએ અન્ય બાળકી સાથે પણ છેડતીનો પ્રયાસ કર્યો હતો.