બાળકના ભવિષ્ય માટે પ્લાનિંગ કરતી વખતે એક વાત ધ્યાનમાં રાખવી ખૂબ જ જરૂરી છે અને તે છે ભવિષ્યની મોંધવારી.
બાળકના ભવિષ્યની ચિંતા છોડો
આ સ્કિમ્સમાં કરો રોકાણ
મળશે ઘણા બધા લાભ
આજકાલ બાળકના જન્મની સાથે જ માતા-પિતાને તેમના ભવિષ્યની ચિંતા થવા લાગે છે. ભવિષ્ય માટે યોગ્ય પ્લાનિંગ કરવી આજકાલ જરૂરી બની ગઈ છે. બાળકના ભવિષ્ય માટે પ્લાનિંગ કરતી વખતે એક વાત ધ્યાનમાં રાખવી ખૂબ જ જરૂરી છે અને તે છે ભવિષ્યની મોંધવારી.
બાળકો માટે પ્લાનિંગ કરતી વખતે એ વાતનું ખાસ ધ્યાન રાખો કે 10થી 15 વર્ષ બાદ મોંઘવારી કેટલી હશે. બાળકોના 18 વર્ષના થયા બાદ માતા-પિતાની સામે તેમના અભ્યાસ અને લગ્નને લઈને ખર્ચો રહે છે.
આવા ખર્ચને પુરા કરવા માટે સરકારી અને નોન સરકારી ઘણા પ્રકારની સ્કીમ હાજર છે. તો આવો અમે તમને અમુક એવા રોકાણના ઓપ્શન્સ વિશે જણાવીએ જેમાં રોકાણ કરવા પર તમને વધારેમાં વધારે રિટર્ન મળે.
PPF
પબ્લિક પ્રોવિડન્ટ ફંડ આજકાલના સમયમાં સૌથી વધારે પોપ્યુલર સ્કીમમાંથી એક છે. આ સ્કીમમાં રોકાણ કરવા પર તમને 7.1 ટકાના દરે વ્યાજદર મળે છે. આ સ્કીમમાં તમારા બાળકના નામથી પણ રોકાણ કરવામાં આવી શકે છે. આ સ્કીમમાં 1.5 લાખ રૂપિયાના રોકાણ પર તમને ઈનકમ ટેક્સની કલમ 80c હેઠળ છૂટ મળે છે. બાળકના એકાઉન્ટમાં તમે 3 લાખ રૂપિયા સુધી રોકાણ કરી શકો છો. આ સ્કીમમાં રોકાણની મર્યાદા 15 વર્ષની છે.
સુરન્યા સમૃદ્ધિ યોજના
જો તમે બાળકી માટે રોકાણ કરવા માંગી રહ્યા છો તો તમે સરકાર દ્વારા શરૂ કરવામાં આવેલી યોજના સુકન્યા સમૃદ્ધિ યોજનામાં રોકાણ કરી શકો છો. આ સ્કીમમાં તમને વર્ષના 250 રૂપિયા રોકાણ કરવાનું રહેશે. ત્યાં જ એક વર્ષમાં આ સ્કીમમાં 1.50 લાખ રૂપિયા સુધી રોકાણ કરી શકો છો.
સુકન્યા સમૃદ્ધિ યોજનામાં રોકાણ પર તમને 7.60 ટકા વ્યાજદર મળે છે. આ સ્કીમમાં તમે 15 વર્ષ માટે રોકાણ કરી શકો છો. બાળકીના 18 વર્ષ થવા બાદ તે આ પૈસાને અભ્યાસ માટે અને બાળકીના 21 વર્ષ થવા પર લગ્ન માટે પૈસા ઉપાડી શકે છે.
બાળકના સુરક્ષિત ભવિષ્ય માટે તમે મ્યુચ્યુઅલ ફંડની એસઆઈપીમાં રોકાણ કરી શકો છો. અસઆઈપીમાં રોકાણ કરવા માટે તમે 100 રૂપિયા જેવી નાની રકમમાં રોકાણ કરી શકો છો.
જો બેન્કમાં બાળક માટે પૈસા સેવ કરવાની પ્લાનિંગ કરી રહ્યા છો તો ફિક્સ્ડ ડિપોઝિટનો ઓપ્શન ખૂબ જ પોપ્યુલર સ્કીમ છે. તમે બાળક માટે 5થી 10 વર્ષ સુધીની એફડી કરી શકો છો.