ક્રિસમસ નજીક છે અને લોકો સેલિબ્રેશન મોડમાં આવી ચુક્યા છે. આ વખતે ક્રિસમસનો વીકએન્ડ પણ લાંબો છે. જો તમે ક્રિસમસની રજાઓમાં ક્યાંક ફરવા જવાનુ વિચારી રહ્યા હો તો તમારા માટે ઘણા ઓપ્શન અવેઇલેબલ છે. એવા કેટલાક ડેસ્ટિનેશન છે જ્યાં જઇને તમે તમારો ક્રિસમસ યાદગાર બનાવી શકશો.
દિલ્હીની ક્રિસમસ પાર્ટી
દિલ્હી તેની ક્રિસમસ પાર્ટી માટે ફેમસ છે. અહીં દેશના સુંદર ચર્ચ પણ છે. ક્રિસમસ દરમિયાન દિલ્હીમાં રહેવુ એક યાદગાર અનુભવ હોઇ શકે છે. રેડ,ગ્રીન અને વ્હાઇટમાં સજેલુ આ શહેર આ સીઝનમાં ખુબ જ સુંદર દેખાય છે. અહીં મસ્તી માટે ઘણું બધુ છે જેમકે બાર, રેસ્ટોરાં, મોલ્સ. તમે અહીં શોપિંગ પણ કરી શકો છો.
ગોવાની ક્રિસમસ મસ્તી મિસ કરવા જેવી નથી
ગોવાની ક્રિસમસ અને ન્યુ યર સેલિબ્રેશન આખા દેશમાં ફેમસ છે. આખુ વર્ષ લોકો ક્રિસમસની રાહ જોવે છે. અહીં 16મી સદીનું સૌથી મોટુ ચર્ચ કેથેડ્રલ ઓફ સેન્ટા છે. જો તમે ડાન્સ, મસ્તી અને ખાવાના શોખીન હો તો તમારે ગોવા જરુર જવુ જોઇએ. અહીંની ઘણી નોનવેજ ડિશ પણ ખુબ ફેમસ છે.
કોચ્ચીમાં કરવા જેવું છે ઘણુ બધુ
કોચ્ચીમાં ઘણા જુના ચર્ચ છે અને ખ્રિસ્તી લોકોની સંખ્યા પણ વધુ છે. જો તમે ક્રિસમસ સીઝનમાં અહીં હો તો ફરથી સજાવેલા વૃક્ષો, શણગારેલા મકાનો, દુકાનો, સાન્ટા અને જીસસની મુર્તિઓ તમને જગ્યાએ જગ્યાએ જોવા મળશે. આ ભારતનુ સૌથી જુનુ યુરોપિયન ચર્ચ છે. ડિસેમ્બરના છેલ્લા અઠવાડિયામાં અહીં ગણા બધા લોકલ ફેસ્ટિવલ હોય છે.
કોલકત્તાની ક્રિસમસ પણ ફેમસ
1911માં બ્રિટિશ સરકારની રાજધાની રહેલા આ શહેરમાં ક્રિસમસ ઘણા વર્ષોથી ખુબ જ ધામધુમથી મનાવાય છે. બ્રિટિશ શાસન દરમિયાન અહીં ક્રિસમસ ધામધુમથી મનાવવાનો ટ્રેન્ડ શરુ થયો હતો, જે હજુ સુધી ચાલુ છે. આ દરમિયાન બ્રિટિશ અધિકારીઓ અહીં નાચવા-ગાવા અને ખાણીપીણી સાથે ખુબ મસ્તી કરતા હતા. અહીં પાર્ક સ્ટ્રીટનો નજારો ખુબ સુંદર હોય છે. અને સેન્ટ પોલ કેથેડ્રલ ચર્ચમાં જે ભીડ એકઠી થાય છે તે તમને પર્ફેક્ટ ક્રિસમસ ફીલ આપે છે. વેસ્ટ બંગાળ ટુરિઝમ બોર્ડ કોલકત્તા તરફથી અહીં દર વર્ષે ક્રિસમસ ફેસ્ટનું આયોજન કરાય છે.
પોંડિચેરીમાં ક્રિસમસની મજા
જો તમે શાંતિથી ક્રિસમસ મનાવવા ઇચ્છતા હો તો ક્રિસમસ તમારા માટે બેસ્ટ ઓપ્શન છે. પોતાની સુંદરતા માટે ફેમસ પોંડીચેરીમાં ગોવાની જેમ જ રોમન કેથલિક લોકોની ઘણી વસ્તી રહે છે. આ કારણે ત્યાં ક્રિસમસ અત્યંત ઉત્સાહ સાથે મનાવવામાં આવે છે. અહીં મોટી સંખ્યામાં જુના અને સુંદર ચર્ચ રહેલા છે જે તમને આનંદ આપશે
ક્રિસમસ પર શિમલા આપશે અલગ ફીલ
જો તમને સ્નો અને હિલ સ્ટેશનનું નામ સાંભળતા જ મજા પડી જતી હોય તો ક્રિસમસ મનાવવા માટે તમારા માટે શિમલાથી સારી જગ્યા કોઇ ન હોઇ શકે. આ સીઝનમાં શિમલામાં ઘણા ટુરિસ્ટ આવે છે. અહીં ઘણી સારી સારી રેસ્ટોરાં છે. તમે ત્યાં ટેસ્ટી જમવાની મજા માણી શકો છો. જો તમને ઐતિહાસિક વસ્તુઓ સાથે પ્રેમ હોય તો તમારા માટે આ બોનસ પોઇન્ટ છે. તમે અહીં બ્રિટિશ કાળમાં બનેલી ઘણી ઇમારતો જોઇ શકો છો. અહીં 19મી સદીના મધ્યમાં બનેલુ ક્રાઇસ્ટ ચર્ચ પણ છે.