નિયમ / કામની વાત : લૉકડાઉનમાં પણ કાર કે બાઈક લઈને જઈ રહ્યા છો, તો જાણી લો આ નિયમ, નહીં જવું પડે જેલ

• લૉકડાઉનમાં બહાર નીકળતા પહેલાં જાણી લો આ વાત
• યોગ્ય કારણ વિના ન નીકળો ઘરની બહાર
• થઈ શકે છે જેલની સજા અથવા દંડ

જો તમે સડક પર હશો તો આઈપીસી કલમ 188 હેઠળ થશે કાર્યવાહી

સુપ્રીમ કોર્ટેના આદેશ અનુસાર જો તમે ઘરની બહાર છો અને યોગ્ય કારણ નથી આપી શકતા તો તમે આઈપીસીની કલમ 188ના આધારે કાર્યવાહી હેઠળ આવો છો. પોલીસ તમારી વિરુદ્ધ એફઆઈઆર નોંધી શકે છે. નિયમ ઉલ્લંઘન કરવાના કારણે તમારા સ્વાસ્થ્યને પણ નુકસાન થઈ શકે છે. આ સિવાય પોલીસ તમને જેલમાં પણ મોકલી શકે છે. કેટલાક કલાક ડિટેઈન કરે અને પછી જામીન આપીને છોડે અને આ સમયે તમારે તમારી ભૂલ માટે દંડ ભરવો પડે તે પણ શક્ય છે. 

લૉકડાઉનનું ઉલ્લંઘન કરવા માટે થઈ શકે છે જેલ

2 એપ્રિલે ગૃહમંત્રાલયે આદેશ આપ્યો છે કે જે કોઈ લૉકડાઉનનું ઉલ્લંઘન કરે તો તેની વિરુદ્ધમાં કાર્યવાહી કરવામાં આવે. નેશનલ ડિઝાસ્ટર મેનેજમેન્ટ એક્ટના આધારે તેની પર કાર્યવાહી કરવામાં આવે. આ એક્ટમાં ઉલ્લંઘન કરનારાને 1થી 2 વર્ષની જેલની સજા થઈ શકે છે. તમારી આ હરકત સરકારી કામમા બાધા ગણવામાં આવે છે.

દિલ્હી પોલીસ એક્ટ 65-66માં ભરવો પડશે દંડ

લૉકડાઉન હોવા છતાં લોકો સડક પર ફરતા રહે છે. એવામાં પોલીસને આદેશ છે કે તે લોકોને ડિટેઈન કરી શકે છે. થોડી વાર બેસાડીને છોડી દેતા હોય છે. થોડો દંડ પણ વસૂલે છે. વાહનને જપ્ત કરી લેવામાં આવે છે. જો વાહન માલિક પોતે હાજર હોય તો દંડ લઈને વાહન પણ છોડી દેવામાં આવે છે અને સાથે જ તેને ચેતવણી પણ આપવામાં આવે છે.

કયા સંજોગોમાં મળે છે 

જો કોઈ મેડિકલ ઈમરજન્સી હોય તો છૂટ આપવામાં આવે છે. આ છૂટ ત્યારે જ મળે છે જ્યારે દર્દી ગાડીમાં સાથે હાજર હોય. અથવા તમારી પાસે હોસ્પિટલ સંબંધિત ફાઈલ કે કાગળો હાજર હોય.