જો તમે વાસ્તુકળાના શોખીન હો અને તે જોઇને રિફ્રેશ થઇ જતા હો તો તમારા માટે અમે એક બેસ્ટ સ્થળની માહિતી લાવ્યા છે. વાસ્તુકલાનો અદભૂત સંગમ જોવો હોય તો રાજસ્થાનનો ખિમસર કિલ્લો એક ખુબ સાો ઓપ્શન હોઇ શકે છે. અહીં વાસ્તુશિલ્પ અને કિલ્લાની અંદર બનાવેલી વાસ્તુકલા વાસ્તુપ્રેમીઓને ખુબ જ આકર્ષે છે. જો તમને પણ કોઇ એવી જગ્યાની શોધ હોય તો તમે નેક્સ્ટ વીકેન્ડ પર પ્લાન કરી શકો છો. આ શાનદાર જગ્યાની યાદગાર ટ્રિપ તમારી ટ્રાવેલ મેમરીનો ભાગ બની શકે છે. એમ પણ રાજસ્થાન તેના કિલ્લાઓ અને મહેલો માટે જાણીતું છે.
વાસ્તુકળાના શોખીન માટે બેસ્ટ છે ખિમસર કિલ્લો
લગભગ 500 વર્ષ જુનો કિલ્લો છે
ખિમસર કિલ્લામાં ખાસ પ્રકારના પત્થર અને રેતીનો પ્રયોગ કરાયો છે
ઠાકુર કરમસિંહે બનાવ્યો હતો ખિમસર કિલ્લો
ખિમસર કિલ્લો થાર રણના પૂર્વ કિનારે જોધપુર અને નાગોરી બીચ પર છે. તે લગભગ 500 વર્ષ જુનો કિલ્લો છે. તેનું નિર્માણ રાવ જોધાજીના આઠમા પુત્ર ઠાકુર કરમસિંહે 1523ની આસપાસ કર્યુ હતુ. તેમાં મહિલાઓ માટે ખાસ જગ્યા બનાવાઇ છે. આ ઉપરાંત અહીં એક શાહી વિંગનું પણ નિર્માણ કરાવાયુ હતુ.
શાનદાર વાસ્તુકલાનો અદભૂત નમૂનો
ખિમસર કિલ્લામાં ખાસ પ્રકારના પત્થર અને રેતીનો પ્રયોગ કરાયો છે. તેનાથી આ કિલ્લો સોનેરી રંગમાં ચમકતો દેખાય છે. જાણકારો કહે છે કે આ કિલ્લો બનાવવા માટે પ્રયોગમાં લેવાયેલી વાસ્તુકલામાં નાગોરના પારંપરિક સિધ્ધાંતોનો પ્રયોગ કરાયો છે. કિલ્લામાં ભારતીય, ઇસ્લામિક અને ફારસી શૈલીની વાસ્તુકળાનું મિશ્રણ જોવા મળે છે. એક જ જગ્યા પર તમે ઘણા પ્રકારની વાસ્તુકળાની શૈલીઓથી પરિચિત થશો. ઉલ્લેખનીય છે કે કિલ્લાના વાસ્તુશિલ્પમાં ત્રણ શૈલીઓ મધ્યયુગીન, મુગલ અને અંગ્રેજી શૈલીનો નમૂનો જોવા મળે છે.
ભારતની પ્રમુખ વિરાસતમાં સામેલ
રાજસ્થાનના ખિમસર કિલ્લાને ભારતની પ્રમુખ વિરાસતોમાં સામેલ કરાયો છે. તેની અંદર જૂના હથિયાર, તોપ અને બંદૂકો ઉપરાંત તબેલાઓ અને ખંડેર જોવા મળશે. આ કિલ્લો 11 એકરની જમીન પર બનેલો છે. આ સાથે ત્યાં અદભૂત હરિયાળી પણ જોવા મળે છે, જે તેની સુંદરતામાં ચાર ચાંદ લગાવે છે. આલેખનઃ ભૂમિકા ત્રિવેદી