ટિપ્સ / જિમમાં જઇને વેઇટ લિફિંગ કરો છો, તો ધ્યાન રાખો આ બાબતો

વોર્મઅપ ન કરવું
વેઇટલિફ્ટિંગ પહેલા વોર્મઅપ જરુરી છે નહીંતર એક જ ઝટકામાં વજન ઉઠાવો ત્યારે મસલ્સ પર જોર પડે છે. 10થી 15 મિનિટનુંવોર્મઅપ જરુરી છે.

ઝડપથી ન કરો
કોઇ કારણ વગર જલ્દી જલ્દી વેઇટ લિફ્ટિંગ કરીને કોઇને ઇમ્પ્રેસ કરવાની જરુર નથી. તેનાથી તમારા મસલ્સને કોઇ ફાયદો નહી થાય અને તમારો સ્ટેમિના પણ નહીં વધે. આમ કરવાથી જલ્દી થાકી જવાશે.

યોગ્ય બ્રિથિંગ ન કરવું
મોટાભાગના લોકો વેઇટલિફ્ટિંગ દરમિયાન યોગ્ય બ્રિથિંગ ટેકનીક અપનાવતા નથી. કેટલાક તો મોંથી શ્વાસ લે છે. અસ્થમા અને બ્રોન્કાઇટીસના દર્દીઓએ ખાસ સાવધાની રાખવી જોઇએ. વેઇટ ઉઠાવતી વખતે શ્વાસ અંદરની તરફ લો અને નીચે મુકતી વખતે શ્વાસ છોડો. આ પ્રક્રિયા ધીમી હોવી જોઇએ.

વધુ વેઇટ ન ઉઠાવો
વધુ વજન ઉઠાવવાના ચક્કરમાં તમને ગંભીર ઇન્જરી થઇ શકે છે. તેનાથી તમે ફરી વખત જીમ જવાનુ સાહસ પણ નહીં કરી શકો

વધુ પડતુ વર્કઆઉટ
શરુઆતના જનુનમાં મશીન પર વધુ સમય વિતાવવો અને બાદમાં ઠંડુ થઇને બેસી જવુ, આવુ ઘણા લોકો સાથે બને છે. ટ્રેનરની મદદથી ફિક્સ ટાઇમ માટે જ એક્સર્સાઇઝ કરો.

એક જેવી એક્સર્સાઇઝ
રોજ જિમ જઇને અને પર્યાપ્ત માત્રામાં ન્યુટ્રીઅન્ટ્સ લઇને પણ તમે મસલ્સ મેળવી શકતા નથી તો તમારી વર્કઆઉટની રીત ખોટી છે. ટ્રેનરની સલાહ લઇને અલગ અલગ પ્રકારની એક્સર્સાઇઝ કરો.