હેલ્થ ટિપ્સ / મોબાઈલમા નાઈટ મોડ કરતાં હો તો ચેતી જજો, રિસર્ચ મુજબ આંખ અને ઉંઘને ખુબ નુકશાન કરે છે

• મોબાઇલમાં નાઇટમોડનો ઉપયોગ કરવો એ આંખો માટે સારું છે તેમ જો તમ માનતા હો તો તમે ભુલ કરો છો
• વિજ્ઞાનીઓ કહે છે કે સ્ટાન્ડર્ડ મોડ કરતાં નાઇટ મોડ વધુ ખરાબ છે

ઉંદર પર કરેલા પ્રયોગોમાં જાણવા મળ્યું હતું કે બ્લુ લાઇટ કરતાં યલો લાઇટ ઉંઘની પેટર્નને વધુ ડિસ્ટર્બ કરે છે

જયારે નાઇટ મોડ એકટિવેટ કરાય ત્યારે મોબાઇલની સ્ક્રિન યલોઇશ થાય છે.એટલે કે પીળાશ પડતી દેખાય છે. કેમ કે નાઇટ મોડ બ્લુ કલરને રોકે છે. વિજ્ઞાનીઓ કહે છે કે દિવસે સુર્યપ્રકાશના કારણે પીળી લાઇટ હોય છે. રાતે મોબાઇલના ડિસ્પ્લેની પીળી લાઇટ તમારા મગજને દિવસ હોય તેવા અને કન્ફયુઝ કરે તેવા સિગ્નલ મોકલે છે. ઉંદર પર કરેલા પ્રયોગોમાં જાણવા મળ્યું હતું કે બ્લુ લાઇટ કરતાં યલો લાઇટ ઉંઘની પેટર્નને વધુ ડિસ્ટર્બ કરે છે.

બ્લુ લાઇટની ઉંઘ પર સૌથી વધુ અસર થાય છે તે ધારણા ખોટી અને ગેરમાર્ગે દોરતી છે

સંશોધન કરનાર ટીમના લીડર ટીમ બ્રાઉન કહે છે કે આ પ્રયોગ માત્ર ઉંદર પર કરાયા છે. પરંતુ અમને લાગે છે કે તે માનવી ઉપર પણ તેની એવી જ અસર થાય છે. બ્લુ લાઇટની ઉંઘ પર સૌથી વધુ અસર થાય છે તે ધારણા ખોટી અને ગેરમાર્ગે દોરતી છે. ઉંઘની પેટર્ન પર વ્હાઇટ અને યલો લાઇટની સરખામણીએ બ્લુ લાઇટની અસર ઓછી થાય છે. ઉલ્લેખનીય છે કે અત્યારે મોટાભાગના મોબાઇલમાં નાઇટ મોડ(બ્લુ લાઇટ ફિલ્ટર) આપવામાં આવે છે. મોબાઇલ કંપનીઓ પણ તેના મેન્યુલમાં રાતે તેનો ઉપયોગ કરવાની સલાહ આપે છે. આ ઉપરાત મોબાઇલમાં તમે નાઇટ મોડ એકટિવેટ કરવા ટાઇમ પણ સેટ કરી શકો છો.