આજે અમે તમને એવી જ માહિતી આપવા જઈ રહ્યા છીએ જેને અપનાવીને તમે તમારી પહેલી કે નવી કારને સુરક્ષિત રાખી શકો છો.
પહેલી વખત કાર ખરીદનાર લોકો આ વાત નથી જાણતા હોતા
આ ટિપ્સ અપનાવી પહેલી કે નવી કારને સુરક્ષિત રાખી શકો છો
પહેલી વખત કાર ખરીદવી એ દરેક માટે એક ખાસ અને મહત્વની વાત હોય છે. જો તમે પણ પહેલીવાર કાર અથવા કોઈપણ વાહન ખરીદ્યું છે, તો તમારે તમારા એ વાહનની કે કારની ખૂબ કાળજી લો છો. પણ ઘણી વખત એવું બને છે કે અધૂરી જાણકારીને કારણે ભૂલથી જ આપણે એ નવી કારનું સરખું ધ્યાન નથી રાખી શકતા. એવી ઘણી વસ્તુઓ છે જે પહેલી વખત કાર ખરીદનાર લોકો નથી જાણતા હોતા તો આજે અમે તમને એવી જ માહિતી આપવા જઈ રહ્યા છીએ જેને અપનાવીને તમે તમારી પહેલી કે નવી કારને સુરક્ષિત રાખી શકો છો.
કારના મેન્યુઅલ યુઝ વિશે જાણો
તમે નવી કાર લીધી હોય તો તેની સાથે તમને કાર વિશેની એક હાર્ડ કોપી આપવામાં આવે છે. એ હાર્ડકોપીમાં કારના મેન્યુઅલ ઉપયોગ સાથે દરેક ફીચર્સ તેના ઉપયોગ અને સલામતી વિશે પણ બધી જ માહિતી આપવામાં આવી હોય છે. એવા સમયે તમે એ મેન્યુઅલ વાંચીને કારના યોગ્ય ઉપયોગ વિશે જાણી શકો છો. જો હાર્ડ કોપી ન મળી હોય કે ખોવાઈ ગઈ હોય તો તમે તેને કંપનીની વેબસાઈટ પર જઈને વાંચી શકો છો.
કારના ટાયરપ્રેશરને સમયાંતરે તપાસો
નવી કર ખરીદનારને સલાહ આપવામાં આવે છે કે તેમની કારના ટાયર સમયાંતરે તપાસતા રહેવું જોઈ કે તેનું પ્રેશર બરાબર છે કે નહીં. આમ કરવાથી તમે અકસ્માતોથી સુરક્ષિત રહી શકો છો અને તેની સાથે તમારી કારના ટાયર લાંબા સમય સુધી ચાલે છે. આ સાથે તમારે ટાયરમાં કટ કે પછી તેના ફાટવાની સ્થિતિ પણ તપાસવી જોઈએ.
કારના એન્જિનને સાફ રાખો
એન્જિન એ કોઈ પણ કારનો મુખ્ય ભાગ છે, તેથી કારને સુરક્ષિત રાખવા માટે કારના એન્જિનને સાફ રાખવું જરૂરી છે. આ સિવાય ફક્ત શુદ્ધ ઇંધણનો જ ઉપયોગ કરવો જોઈએ અને કોઈપણ પ્રકારની ગંદકી થી એન્જિનને બચાવવું જોઈએ. એન્જિનની અંદર ધૂળ અને તેલના લીકેજથી પણ બચવું જોઈએ.
કારની બેટરીની સાફ રાખો
કારની બેટરીનો ઉપયોગ તેને સ્ટાર્ટ કરવા માટે, હોર્ન, લાઇટ અને બીજી ઘણી વસ્તુઓમાં ઉપયોગ થાય છે. આવી સ્થિતિમાં, તમારી કારની બેટરીને વારંવાર સાફ કરતા રહેવાની સલાહ આપવામાં આવે છે.
બ્રેક ફ્લુઇડને તપાસતા રહો
કારની બ્રેક્સ યોગ્ય રીતે કાર્ય કરવા માટે બ્રેકના ફ્લુઇડની સમયસર જાંચ કરવી જોઈએ. પર્યાપ્ત બ્રેક ફ્લુઇડ વિના તમારી કારના બ્રેક્સ કામ કરવાનું બંધ કરી શકે છે.