હેલ્થ ટીપ્સ / એસિડિટીથી પરેશાન છો તો ચિંતા ન કરતાં, બચવા માટે આજે જ ડાઈટમાં સામેલ કરો આ સુપરફૂડ

• શું તમે પણ એસિડિટીથી પરેશાન છો?
• કેમ થાય છે એસિડિટી?
• એસિડિટી ઓછી કરવાના પ્રાકૃતિક ઉપાયો

એસિડિટી એ એક એવી સમસ્યા છે, જે વધુ પડતા એસિડની રચનાના કારણે થાય છે, આ એસિડ પેટની ગ્રંથિઓ દ્વારા ઉત્પન્ન થાય છે. એસિડિટીના કારણે પેટમાં અલ્સર, ગેસ્ટ્રિક ઇન્ફ્લેમેશન, હાર્ટ બર્ન અને અપચો જેવાં લક્ષણો દેખાય છે. ઘણાં પરિબળોના કારણે એ‌િસ‌િડટી થાય છે, જેમ કે અનિયમિત આહાર લેવાની આદતો, શારીરિક રમતો અથવા પ્રવૃત્તિઓનો અભાવ, આલ્કોહોલનું સેવન, ધૂમ્રપાન, તણાવ, આહાર અને ફેડ ડાયટની આદતો વગેરે. વધુ નોનવેજ, મસાલેદાર અને ઓઇલી ખોરાક લેવાથી પણ એસિડિટી થવાનો ખતરો વધી જાય છે.

જોકે એસિડિટી માટે ઘરેલુ ઉપચારનો પ્રયોગ ફાયદાકારક સાબિત થઈ શકે છે. એસિડિટીનાં સામાન્ય લક્ષણોમાં અપચો, ઊબકા, મોંમાં ખાટા સ્વાદ, કબજિયાત, બેચેની અને પેટ તથા ગળામાં બળતરા સામેલ છે. એસિડિટીના કારણે શરીરમાં પીએચનું અસંતુલન થાય છે. આ સામાન્ય રીતે ત્યારે થાય છે, જ્યારે કિડની અને ફેફસાં શરીરમાં વધારાનો એસિડ દૂર કરવામાં અસમર્થ હોય અને તેનાથી તમને એસિડિટીની સમસ્યા તરફ દોરી જાય છે.

કેમ થાય છે એસિડિટી?
એસિડિટી ત્યારે થાય છે જ્યારે પેટમાં ગેસ્ટ્રિક ગ્રંથિઓ એસિડ વધુ માત્રામાં ઉત્પન્ન કરે છે અને કિડની તેને શરીર બહાર કાઢી શકતી નથી. તે સામાન્ય રીતે હાર્ટ બર્ન, એસિડ રિફ્લક્સ, અપચાની સાથે આવે છે. સામાન્ય રીતે એસિડિટીનું કારણ વધુ મસાલેદાર ખોરાક, કોફી, વધુ ખાવાથી, લો-ફાઇબર ડાયટ લેવાથી થાય છે.

એસિડિટી ઓછી કરવાના પ્રાકૃતિક ઉપાયોઃ

બદામ
તે પેટના રસને બેઅસર કરે છે, પીડામાં રાહત આપે છે અને એસિડિટીની સમસ્યાને સંપૂર્ણપણે અટકાવે છે. જ્યારે તમે ખોરાક ન ખાઈ શકો ત્યારે બદામ ખાઓ, જેથી વધુ પડતા એસિડ સ્રાવને ટાળી શકાય. જમ્યા પછી ચાર બદામ લો.

કેળાં અને સફરજન
કેળાંમાં કુદરતી રીતે એન્ટા‌િસડ્સ હોય છે, જે એસિડિટી સામે લડવામાં મદદ કરે છે અને સૂતાં પહેલાં સફરજનની કેટલીક સ્લાઇસ ખાવાથી છાતીમાં બળતરા અથવા રિફ્લક્સથી રાહત 
મળે છે.

નારિયેળ પાણી
નારિયેળ પાણી પીતી વખતે શરીરનું પીએચ એસિડિક લેવલ આલ્કલાઇન થઇ જાય છે અને તે પેટમાં લાળ ઉત્પન્ન કરે છે. લાળ પેટને વધુ પડતા એસિડના ઉત્પાદનની ગંભીર અસરોથી બચાવે છે. આ ફાઇબરયુક્ત પાણી પાચનમાં મદદ કરે છે અને એસિડિટીના પ્રેષણને અટકાવે છે.

આ ફૂડ પેટમાં એસિડ ઓછો કરશે
શાકભાજી, આદું, ઓટ્સ, સફેડ ઇંડાં, તરબૂચ, કેળાં, સફરજન, નાશપતિ, અખરોટ, તલનું તેલ, અવાકાડો, સૂર્યમુખીનું તેલ, અળસી, ઓલિવ ઓઇલ .