Hair Fall / વધારે પડતા વાળ ખરતા હોય તો થઈ જજો સાવધાન, જરૂર કરાવી લેજો આટલા ટેસ્ટ, નહીં તો બાદમાં પસ્તાશો

• વાળ ખરવાની સમસ્યા આજકાલ કોમન 
• વધારે પડતા વાળ ખરે તો થઈ જજો સાવધાન 
• 6 મહિનાની અંદર કરાવી લો આ ટેસ્ટ 

વાળ ખરવાની સમસ્યા સ્ત્રી અને પુરૂષ બંનેમાં સામાન્ય બની ગઈ છે. પરંતુ જો તે વધુ ખરવા લાગે તો સામાન્ય દેખાતી આ સમસ્યા ગંભીર સ્વરૂપ ધારણ કરી શકે છે. જ્યારે પણ તમારા વાળ વધુ પડતાં ખરવા લાગે તો તમારે તરત જ ડોક્ટરને બતાવવું જોઈએ. કારણ કે ક્યારેક શરીરમાં પોષણની ઉણપને કારણે પણ વાળ ખરવા લાગે છે.

મોટાભાગની ભારતીય મહિલાઓ વાળ ખરવાની સમસ્યાનો સામનો કરી રહી છે કારણ કે તેમને યોગ્ય માત્રામાં પોષણ મળતું નથી જેટલું તેમને મળવું જોઈએ. માટે જો તમારા વાળ પણ ખરતા હોય તો ખાસ વાંચજો. 

આ ટેસ્ટને વર્ષમાં એક વખત જરૂર કરાવો 
શરીરમાં વિટામિન B12 અને વિટામિન Dની માત્રા કેટલી છે તેનો ટેસ્ટ જરૂર કરાવવો જોઈએ. 6 મહિના પર વિટામિન B12, વિટામિન D અને આયર્નની માત્રા  શરીરમાં બરાબર છે કે નહીં તેની તપાસ જરૂર કરાવવી જોઈએ. તમારે તમારી ડાયેટ અને લાઈફસ્ટાઈલનું પણ ધ્યાન રાખવું જોઈએ. આ તમામ ટેસ્ટ કરાવતા પહેલા ડોક્ટરની સલાહ લેવી જરૂરી છે.

આયર્નની ઉણપ
શરીરમાં આયર્નની ઉણપને કારણે વાળ ખરવા લાગે છે. સીરમ ફેરીટિન શરીરમાં આયર્નની ઉણપ દર્શાવે છે. ન્યૂટ્રીશિયનની ઉણપને કારણે પણ વાળ ખરવા લાગે છે. તેમજ હાઈપો કે હાઈપર થાઈરોઈડ બંનેના કારણે પણ વાળ ખરવા લાગે છે. વાળના પાતળા થવાને કારણે અને વાળની ​​જ રચનાને કારણે વાળ ખરવા લાગે છે.

વાળ ખરવાના અન્ય પણ ઘણા કારણો હોઈ શકે છે 
જેનેટિક 
વાળ ખરવા પાછળ જેનેટિક કારણો પણ હોઈ શકે છે. ઉદાહરણ તરીકે જો તમારા માતા-પિતાના વાળ પાતળા હોય અથવા કોઈ કારણસર ખરતા હોય તો શક્ય છે કે તમારે પણ આવી જ સમસ્યાઓનો સામનો કરવો પડી રહ્યો હોય. 

સ્ટ્રેસ
ટેન્શનને કારણે વધુ પડતા વાળ ખરે છે. એટલા માટે ક્યારેય એટલું ટેન્શન ન લો કે તમારું સ્વાસ્થ્ય ખરાબ થવા લાગે.

હોર્મોનલ ઈનબેલેન્સ
હોર્મોનલ ઈનબેલેન્સને કારણે પણ વાળ ખરવાની સમસ્યા સર્જાય છે. એટલા માટે તમારા સ્વાસ્થ્યની સારી કાળજી લો.

કેમિકલ પ્રોડક્ટ્સ
વધુ કેમિકલયુક્ત ઉત્પાદનોના ઉપયોગને કારણે વાળ ખરવા પણ લાગે છે, તેથી વિચારીને જ ઉત્પાદનનો ઉપયોગ કરો.