પિટ્સ ગ્રેજ્યુએટ સ્કૂલ ઓફ પબ્લિક હેલ્થના એપિડેમિયોલોજી ડિપાર્ટમેન્ટના સ્ટડીમાં એક ખાસ લક્ષણ જણાવાયું છે જે અકાળ મોતનું કારણ બની શકે
પિટ્સ ગ્રેજ્યુએટ સ્કૂલના સ્ટડીમાં અકાળ મોતનું સામે આવ્યું એક મોટું કારણ
વૃદ્ધોમાં થાક મોતનું બની શકે કારણ
વારંવાર થાક લાગતો હોય તો ચેતી જવાની જરુર
પહેલી વાર એક મોટા સ્ટડીમાં થાકને અકાળ મોત સાથે જોડવામાં આવ્યું છે. જે વૃદ્ધોને થાક લાગતો હોય તેમની ચેતી જવાની જરુર છે. સામાન્ય રીતે મનુષ્યની વૃદ્ધાવસ્થા આનુવંશિક અને જીવનશૈલી પર આધારિત હોય છે. ઉંમર વધવાની સાથે માણસનો થાક પણ વધતો જાય છે. એક નવા અભ્યાસ મુજબ થાક વ્યક્તિના અકાળે મૃત્યુનો સંકેત આપી શકે છે.
માનસિક અને શારીરિક થાક વ્યક્તિના પ્રારંભિક મૃત્યુનો સંકેત આપી શકે
મેડિકલ સાયન્સમાં પ્રકાશિત એક અભ્યાસ અનુસાર, તણાવને કારણે માનસિક અને શારીરિક થાક વ્યક્તિના પ્રારંભિક મૃત્યુનો સંકેત આપી શકે છે. આ અભ્યાસ માટે, 60 વર્ષ કે તેથી વધુ વયના 2,906 લોકો પર સ્ટડી કરાયો હતો. અભ્યાસમાં ભાગ લેનારા લોકોને સંશોધકો દ્વારા અમુક પ્રવૃત્તિઓના આધારે એકથી પાંચના સ્કેલ પર થાકના સ્તરે પૂછવામાં આવ્યું હતું.
કસરત અને ઘરનું હળવું કામ મૃત્યુદરને ઓછો કરી શકે
તેમાં 30 મિનિટ સુધી ચાલવું, ઘરનું હળવું કામ અને ભારે બાગકામ જેવી પ્રવૃત્તિઓનો સમાવેશ થતો હતો. મૃત્યુદરને અસર કરી શકે તેવા તમામ પરિબળોને સમજ્યા બાદ સંશોધકોને જણાયું હતું કે જે સ્વયંસેવકોએ વધુ થાક અનુભવ્યો હોય તેવા પ્રવૃત્તિઓમાં ભાગ લેનારા સ્વયંસેવકોમાં અકાળે મૃત્યુનું જોખમ વધારે હતું. આ જોખમોમાં ડિપ્રેશન, પહેલેથી અસ્તિત્વ ધરાવતા અથવા કોઈ અસાધ્ય રોગ ન હોય, ઉંમર અને લિંગ જેવા પરિબળોનો સમાવેશ થતો હતો.પિટ્સ ગ્રેજ્યુએટ સ્કૂલ ઓફ પબ્લિક હેલ્થના એપિડેમિયોલોજી ડિપાર્ટમેન્ટના એસોસિએટ પ્રોફેસર અને આ અભ્યાસના મુખ્ય લેખક નેન્સી ડબલ્યુ. ગ્લિને જણાવ્યું હતું કે: "આ તે સમય છે જ્યારે લોકો શારીરિક રીતે વધુ ફિટ રહેવા માટે નવા વર્ષ પર નવા સંકલ્પો કરી રહ્યા છે. હું આશા રાખું છું કે અમારો ડેટા લોકોને કસરતના મહત્વને સમજવામાં મદદ કરશે. "
ફિઝિકલી એક્ટિવ રહેવાથી લોકોમાં થાકનું પ્રમાણે ઓછું થાય છે
ફિઝિકલી વધારે એક્ટિવ રહેવાથી લોકોમાં થાકનું પ્રમાણે ઓછું થાય છે. ઉલ્લેખનીય છે પહેલું એવો સ્ટડી છે જે ગંભીર શારીરિક થાકને અકાળે મોત સાથે જોડવામાં આવ્યું છે. સ્ટડી અનુસાર, રોજની નિયમિત 15 મિનિટની શારીરિક એક્ટીવિટી લોકોની જિંદગીમાં ત્રણ વર્ષના આયુષ્યનો વધારો કરે છે.