વિવાહગુણ / વર-વધૂની કુંડળી મેળવવામાં આ ગુણ નહી મળે તો દાંપત્ય જીવનમાં આવશે ખટાશ

• વર-વઘૂની કુંડળી મેળવવી જરૂરી
• જન્મ નક્ષત્રનો પ્રયોગ કરવામાં આવે છે
• નક્ષત્ર જોઇને કરવામાં આવે છે મેળાપ 

અષ્ટગુણ મેળાપમાં વર વધૂના જન્મ નક્ષત્રનો પ્રયોગ કરવામાં આવે છે. જન્મ નક્ષત્ર ન હોય તો નામાક્ષરના આધારે નક્ષત્ર જોઈને ગુણ મેળાપ કરવામાં આવે છે.

અષ્ટગુણ મેળાપના કયા છે 8 ગુણ ?

- વર્ણ-  માનસિક અભિરુચિઓથી સંબંધિત હોય છે. તેમાં ચાર વર્ણ હોય છે. તેને અંગ્રેજીમાં એટીટ્યુડ કહે છે. 

- વશ્ય-  આ ભાવનાત્મક સંબંધને દર્શાવે છે.

- તારા-  ભાગ્યોદયનું પ્રતિક છે. તેનો સંબંધ વર વઘૂની સફળતાથી થાય છે. 

- યોનિ-  આ પ્રણય સંબંધને દર્શાવે છે. તેમાં પ્રત્યેક નક્ષત્રને અશ્વ, શ્વાન, ગજ વગેરે સાથે જોડવામાં આવ્યો છે. 

- ગ્રહમૈત્રી- આના આધારે એકમેકનો વિશ્વાસ અને સહયોગની સ્થિતિનું આકલન કરવામાં આવે છે. 

- ગણ-  આમા પરિવારની સાથે સંબંધ અને સંપનુ આકલન હોય છે. 

- ભકૂટ-  દામ્પત્ય જીવનમાં મધુરતા અને પ્રેમના આકલનમાં સહાયરુપ હોય છે. 

- નાડી-  દામ્પત્ય જીવનમાં સ્થિરતાનું પ્રતિક હોય છે. નાડી માત્ર ત્રણ હોય છે. મધ્ય, આદિ અને અંત્ય નાડી. નાડી અલગ હોય તો જ તેનું મિલન કરાવી શકાય તેવું મનાય છે. 

કુંડળી મેળાપ ક્યારે શુભ મનાય છે ?

કહેવાતા આ 8 ધોરણોના આધારે ગુણ મેળાપ કરવામાં આવે છે. આ બધાનો કુલ યોગ અંક 36 હોય છે. તેમાંથી 18 કે તેથી વધુ ગુણ મળવા પર મેળાપ શુભ માનવામાં આવે છે. તો આ સાથે જ નાડી અને ભકૂટ પર સૌથી વધુ વિચાર કરવામાં આવે છે. નાડી અને ભકૂટના અંક ક્રમશ: 8 અને 7 હોય છે. આ બન્નેના મેળાપ પર કુંડળી મળવાની સંભાવના અત્યંત પ્રબળ બની જાય છે. આ બંન્નેના હકારાત્મક હોવા પર કુલ 15 અંકનો યોગ ગુણ મેળાપ બની જાય છે. 

ગુણ મેળાપના સિવાય પણ માંગલિક દોષ પર પણ વિચાર કરવો આવશ્યક છે. જન્મ નક્ષત્ર વિશે ખબર ન હોવા પર જ લગ્ન માટે નામાક્ષર નક્ષત્ર પર વિચાર કરાય છે.