ફાસ્ટેગ / થઈ જાવ તૈયાર, આ તારીખથી ફાસ્ટેગ નહીં હોય તો બમણો ટોલટેક્સ ભરવો પડશે

• સેન્સર ૩૦ મીટર દૂરથી જ આવતા વાહનને સ્કેન કરશે
• મદદ માટે હેલ્પલાઈન નંબર જાહેર
• ટેગમાં વાહન નંબર ર‌િજસ્ટર થશે 

હેલ્પલાઈન નંબર જાહેર

હાલમાં  ટોલનાકા પર વાહનચાલકોને ફેસ્ટેગ લેવા માટે કહેવામાં આવી રહ્યું છે. આ સાથે નવા નિયમોની જાણકારી પણ આપવામાં આવી રહી છે. ફાસ્ટેગ ટોલ ચાર્જ અંગેની કોઈ પણ ફરિયાદ માટે વાહનચાલક ૧૦૩૩ હેલ્પ લાઈનની મદદ મેળવી શકશે. આ નંબર પર ફરિયાદ કરવાથી ટોલ પરના સીસીટીવીની ખરાઈ કરવામાં આવશે અને જે તે ચાર્જ કપાયો હશે તેની ચકાસણી કરીને ખોટી રીતે ટોલ કપાયો હશે તો રિફંડ આપવામાં આવશે.

સેન્સર ૩૦ મીટર દૂરથી જ આવતા વાહનને સ્કેન કરશે

ફાસ્ટેગનું સેન્સર બૂમથી પ૦ મીટરના અંતરે લાગશે.  સેન્સર ૩૦ મીટર દૂરથી જ આવતા વાહનને સ્કેન કરશે, જેથી દસ સેકન્ડમાં વાહન ટોલનાકાથી પસાર થઈ શકશે. જો રોકડ ભરવાની હશે તો અઢી મિનિટ લાગશે. ફાસ્ટેગમાં પહેલી વાર વાહન પસાર થશે ત્યારે નિયત ચાર્જ કપાશે, પરંતુ વાહન જો ર૪ કલાકમાં ફરી એ જ બૂથ પરથી પરત ફરશે તો બીજી વખત નો ચાર્જ રિટર્ન ટોલ જેટલો ઓછો કપાશે.

ટેગમાં વાહન નંબર ર‌િજસ્ટર થશે 

ફાસ્ટેગ બેન્ક અને ટોલ બૂથ પરથી મળશે, જેમાં રૂ. ર૦૦ સિક્યોરિટી ડિપો‌િઝટ અને રૂ. ર૦૦ સર્વિસ ચાર્જ ભરીને ખરીદવાનું રહેશે. ટેગમાં વાહન નંબર ર‌િજસ્ટર થશે અને તેને બેન્ક એકાઉન્ટથી લિંક કરશે, જો વાહનનું વેચાણ થાય તો ફાસ્ટેગ ના બદલવો હોય તો રજિસ્ટર્ડ એકાઉન્ટ ટ્રાન્સફર કરી શકાશે. માત્ર એક લેનમાં જ રોકડ રકમ સ્વીકારવામાં આવશે, જેનો ચાર્જ બમણો હશે