સપા અધ્યક્ષ અખિલેશ યાદવે એવો કટાક્ષ કર્યો કે આવતી ચૂંટણી સુધીમાં પેટ્રોલ 275 રુપિયે લીટર થઈ જશે.
સપા અધ્યક્ષ અખિલેશ યાદવનો કટાક્ષ
આવતી ચૂંટણી સુધીમાં પેટ્રોલ 275 રુપિયે લીટર થઈ જશે
છેલ્લા 12 દિવસમાં 10મી વખત વધ્યાં ઈંધણના ભાવ
સમાજવાદી પાર્ટીના પ્રમુખ અખિલેશ યાદવે પેટ્રોલ-ડીઝલના ભાવને લઈને કેન્દ્ર સરકાર પર આકરા પ્રહાર કર્યા છે. તેમણે કહ્યું કે, આગામી ચૂંટણી પૂરી થાય ત્યાં સુધીમાં પેટ્રોલનો ભાવ પ્રતિ લિટર 275 રૂપિયા થઈ જશે. સાથે જ તેમણે આ આંકડા વિશે સમગ્ર ગણિત પણ સમજાવ્યું છે. રસપ્રદ વાત એ છે કે, શનિવારે છેલ્લા 12 દિવસમાં 10મી વખત ઇંધણના ભાવમાં વધારો કરવામાં આવ્યો છે.
जनता कह रही है कि 80 पैसे प्रतिदिन या लगभग 24 रु. महीने के हिसाब से पेट्रोल के दाम यूँ ही बढ़ते रहे तो अगले जो चुनाव नवंबर-दिसंबर में होंगे, इस बीच 7 महीने में दाम लगभग 175 रु. बढ़ जाएंगे मतलब आज के 100 रु लीटर से बढ़कर पेट्रोल 275 रु. लीटर हो जाएगा।
7 મહિનામાં કિંમત પેટ્રોલ-ડીઝલની કિંમત 175 રુપિયા વધી જશે
તેમણે ટ્વિટ કરીને લખ્યું, "લોકો કહી રહ્યા છે કે જો પેટ્રોલની કિંમતમાં દરરોજ 80 પૈસા અથવા લગભગ 24 રૂપિયા પ્રતિ મહિનાનો વધારો ચાલુ રહેશે, તો આગામી ચૂંટણી નવેમ્બર-ડિસેમ્બરમાં યોજાશે, આ દરમિયાન 7 મહિનામાં, કિંમત લગભગ 175 રૂપિયા વધી જશે, જેનો અર્થ છે કે પેટ્રોલ આજના 100 રૂપિયા પ્રતિ લિટરથી વધીને 275 રૂપિયા પ્રતિ લિટર થઈ જશે. આ છે ભાજપની મોંઘવારીનું ગણિત!' શનિવારે ડીઝલના ભાવ પણ 100 રૂપિયાના આંકડાને પાર કરી ગયા છે.
સરકારનું શું કહેવું છે
સરકાર સતત કહી રહી છે કે, મોંઘવારીના તાર યુક્રેન યુદ્ધ સાથે જોડાયેલા છે. રશિયા અને યુક્રેન વચ્ચે ચાલી રહેલા સંઘર્ષને લગભગ પાંચ અઠવાડિયા થઈ ગયા છે. આ દરમિયાન વિપક્ષે કહ્યું કે સરકાર ઈંધણના ભાવ વધારવા માટે ઉત્તર પ્રદેશ, મણિપુર, ઉત્તરાખંડ, ગોવા અને પંજાબમાં વિધાનસભા ચૂંટણી પૂરી થવાની રાહ જોઈ રહી છે. ભાજપ ચાર રાજ્યોમાં સરકાર બનાવવામાં સફળ . જ્યારે, પંજાબમાં આમ આદમી પાર્ટીએ સત્તા હાંસલ કરી હતી.