ઘણીવાર હૃદય રોગ કે હાર્ટ એટેકના લક્ષણોને સમયસર નથી ઓળખી શકાતા અને તેના કારણે તેમને હાર્ટ એટેક આવવાની સંભાવના વધી જાય છે.
આજકાલ યુવાઓને પણ હાર્ટઅટેક આવવાના કિસ્સામાં પણ વધારો થયો
લોકો હાર્ટ એટેકના લક્ષણોને સમયસર નથી ઓળખી શકાતા
હાર્ટ અટેક આવતા પહેલા જોવા મળે છે આ લક્ષણો
આજકાલ તણાવ,ખરાબ લાઈફસ્ટાઈલ અને ખાવાની આદતને કારણે દરેક લોકોમાં હૃદયરોગના કેસ ઝડપથી વધી રહ્યા છે. જ્યાં સુધી હૃદય યોગ્ય રીતે કાર્ય કરવાનું ચાલુ રાખશે ત્યાં સુધી આપણું જીવન સામાન્ય રીતે ચાલશે પણ જ્યારે તે અટકી જાય છે જીવન પણ અટકી જાય છે. પહેલા એવું માનવામાં આવતું એક ઉંમર થયા પછી જ હાર્ટ અટેક આવે છે પણ આજકાલ યુવાઓને પણ હાર્ટઅટેક આવવાના કિસ્સાઓમાં વધારો થયો છે. ઘણીવાર હૃદય રોગ કે હાર્ટ એટેકના લક્ષણોને સમયસર નથી ઓળખી શકાતા અને તેના કારણે તેમને હાર્ટ એટેક આવવાની સંભાવના વધી જાય છે.
હાર્ટ અટેક આવતા પહેલા કેવા લક્ષણો જોવા મળે
અપચાની સમસ્યા
હૃદય સંબંધિત રોગોના મુખ્ય સંકેતોમાંનું સૌથી મહત્વનું એક લક્ષણ છે અપચાની લાગણી. જણાવી દઈએ કે હાર્ટ અટેક આવતા પહેલા લોકો ઘણીવાર બેચેનીને અપચા સાથે જોડે છે અને તેના પર વધારે ધ્યાન નથી આપતા. એટલે ક્યારેય જો તેમ કે તમરાઈ આસપાસના વ્યક્તિને છાતી અને પેટમાં બળતરાની સાથે અસ્વસ્થતા અનુભવે છે, તો તે હૃદય સંબંધિત રોગો સૂચવે છે. આ સાથે જ કેટલીકવાર પેટ સંબંધિત બીમારીઓને કારણે પણ આ પ્રકારની સમસ્યાનો સામનો કરવો પડી શકે છે. આવા સમયમાં તમારે ડૉક્ટરની સલાહ લેવી જરૂરી છે.
છાતીની આસપાસ ભારેપણું
છાતીની આસપાસ ભારેપણું અથવા ચુસ્તતાની લાગણી હૃદય સંબંધિત રોગની નિશાની હોઈ શકે છે. જણાવી દઈએ કે ભારેપણું, ચુસ્તતા અને છાતીમાં વધારાના દબાણની લાગણી એ કેટલાક લક્ષણો છે જે હાર્ટ એટેકના શરૂઆતી સંકેતો તરીકે જોવામાં આવે છે. એટલે કે છાતીમાં દુખાવો ઘણો વધી ગયો છે અને અસહ્ય બની ગયો છે, તો તમારે તાત્કાલિક ડૉક્ટરને મળવું જરૂરી છે.
જડબા અને ગરદનની આસપાસનો દુખાવો
એક સ્ટડી મુજબ જ્યારે હાર્ટ એટેક આવે છે ત્યારે માત્ર છાતીમાં જ દુખાવો નથી થતો પણ તેના કારણે શરીરના અન્ય ભાગો પણ પ્રભાવિત થાય છે. એટલે કે ક્યારેય જો તમને કોઈ કારણ વગર તમારા જડબા અથવા ગરદનની આસપાસ દુખાવો થાય છે, તો તમારે તાત્કાલિક ડૉક્ટરનો સંપર્ક કરવો જોઈએ.
ઉબકા અને પેટનું ફૂલવું
હાર્ટ અટેક આવતા પહેલા આ સમસ્યા સામાન્ય રીતે સ્ત્રીઓમાં જોવા મળે છે. જણાવી દઈએ કે હાર્ટ અટેક આવતા પહેલા વ્યક્તિ ખૂબ જ બેચેની અનુભવે છે અને છાતીમાં દુખાવો થાય એ પહેલા વ્યક્તિને વારંવાર એવું લાગે છે કે તેને ઉલ્ટી થવાની છે. જો કે પેટનું ફૂલવું અને ઉબકા આવવાની સમસ્યા ઘણી વાર સામાન્ય માનવામાં આવે છે પણ આ લક્ષણોને નકારવા ન જોઈએ.
થાક લાગવો
હાલ જોવા મળ્યું છે કે યુવાન લોકો કામ કર્યા પછી જલ્દી થાકી જાય છે, અને આવું જોવા મળે ત્યારે સમજી જવું કે તમારું હૃદય નબળું પડી ગયું હોય. થોડું કામ કર્યા પછી પણ થાક લાગે ત્યારે જ લાગે જ્યારે નસોમાં બ્લોકેજ થયું હોય અને આ કારણે શરીરના દરેક ભાગમાં લોહી યોગ્ય રીતે નથી પહોંચતું, જેના કારણે જલ્દી નબળાઈ આવવા લાગે છે.
હૃદયના ધબકારા વધવા
કોઈ પણ વ્યક્તિના હૃદયની તંદુરસ્તી તેના ધબકારા ની ઝડપ દ્વારા નક્કી કરવામાં આવે છે અને એટલા માટે જ ડોકટરો ઘણીવાર સ્ટેથોસ્કોપનો ઉપયોગ કરીને હૃદયના ધબકારાની સ્થિતિ જઅને છે. સામાન્ય રીતે વ્યક્તિનું હૃદય એક મિનિટમાં 70 થી 80 વખત ધબકે છે અને એકરસાઇઝ કરી ત્યારે તે ઘણા વધી જાય છે. કોઈ પણ શારીરિક પ્રવૃતિ સમયે સામાન્ય રીતે હૃદયના ધબકારા 100 જએટલા પંહોચે છે પણ જ્યારે 100 થી વધી જાય છે, તો તે ગંભીર રોગની નિશાની હોઈ શકે છે, એવા સમયે સમજવું કે તમારું હૃદય નબળું થઈ ગયું છે.
પગની ઘૂંટીમાં દુખાવો
પગમાં સોજો અને શ્વાસ લેવામાં તકલીફ એ હૃદયની નિષ્ફળતાના સૌથી સામાન્ય લક્ષણો છે. જણાવી દઈએ કે પગની નસોમાં અવરોધને કારણે પગની ઘૂંટીમાં સોજો પણ દેખાય છે. હાર્ટ ફેલિયરના છેલ્લા તબક્કામાં, પેટ અને આંખોની આસપાસ આ પ્રકારનો સોજો દેખાય છે.
Disclaimer: આરોગ્ય અને સુખાકારી હેઠળ પ્રકાશિત સામગ્રી સામાન્ય જાણકારી ઉપલબ્ધ કરાવે છે. અહીં પ્રકાશિત લેખ તબીબ, વૈદ્ય, નિષ્ણાત અને રિસર્ચ આધારિત નિષ્કર્ષ પર છે. તમામ નિર્દેશોનું પાલન કરી વાંચકોની જાગૃતિ વધારવાના હેતુથી આ સામગ્રી તૈયાર કરાઈ છે. આ લેખ કોઈ પણ રીતે યોગ્ય ઉપચારનો વિકલ્પ નથી, વધુ જાણકારી માટે હંમેશા નિષ્ણાત કે આપના ચિકિત્સકની સલાહ લેવી. vtvgujarati.com આ જાણકારી માટે જવાબદારીનો દાવો કરતું નથી.