ઉનાળાની આ સિઝનમાં મોટાભાગના લોકોના ઘરમાં એસી લગાવેલું હોય છે. જો તમે પણ તમારા ઘરમાં એસીનો ઉપયોગ કરો છો, તો તમારા માટે કેટલીક મહત્વની બાબતો છે, જેને અપનાવીને તમે એસીની કૂલિંગ અને કાર્યક્ષમતામાં સુધારો કરી શકશો તેમજ વીજળીનું બિલ પણ બચાવી શકશો.
1. જો તમે તમારા ઘરના રૂમમાં એસીનું કૂલિંગ સારું રાખવા માંગો છો તો આ ટ્રીક પર ધ્યાન આપજો. જ્યારે તમે તમારા રૂમમાં એસી ચાલુ કરો, ત્યારે પંખાને પણ ચાલુ કરો અને તેને ધીમી અથવા મધ્યમ ગતિએ ચાલુ રાખો. આ તમારા રૂમને વધુ ઝડપીએ ઠંડો કરી આપશે.
2. જો તમે ઈચ્છો છો કે તમારું એસી ઝડપથી ખરાબ ન થાય અને લાંબા સમય સુધી ચાલે, તો એસીના પાછળના ભાગને એ જગ્યા પર લગાવો જ્યાં સીધો સૂર્યપ્રકાશ ના આવતો હોય.
૩. આપણે એસીને લાંબા સમય સુધી ચાલુ રાખતા નથી કારણ કે તેનાથી વીજળીનું બિલ વધારે આવે છે. પણ જો તમારે એસી ચાલુ રાખીને પણ વીજળીનું બિલ ઓછું જોઈતું હોય તો તમારે એક કામ કરવું પડશે. જો તમે દર બે અઠવાડિયે તમારા એસીના ફિલ્ટરને સાફ કરી નાખશો, તો તેની અસર તમારા વીજળીના બિલ પર પણ દેખાશે.
4. જ્યારે તમે નવું એસી ખરીદો છો, ત્યારે ઘણી વાર એવું થાય છે કે એસીને વર્ષો સુધી સર્વિસિંગની જરૂર હોતી નથી. તમને જણાવી દઈએ કે આ એક અફવા છે અને તમારે સમય સમય પર તમારા એસીની સર્વિસ કરાવવી જોઈએ. આ કારણે એસી સારું કુલીંગ આપશે, લાંબુ ચાલશે અને વીજળીની બચત પણ કરશે.
5. ઘણા લોકોનું માનવું છે કે જો તેઓ પોતાના એસીને ઓછા તાપમાને રાખે છે તો તેનાથી તેમનું એસી ઝડપી અને સારી ઠંડક આપે છે. તમને જણાવી દઈએ કે આ યોગ્ય નથી અને બ્યુરો ઓફ એનર્જી એફિશિયન્સી કહે છે કે જ્યારે તમે તમારા એસીને 24 ડિગ્રી પર સેટ રાખશો ત્યારે તમને તેમાંથી બેસ્ટ કૂલિંગ મળશે.