વડોદરામાં તૃષા હત્યા કેસ બાદ યુવતીઓ અને મહિલાઓની સુરક્ષા બાબતે સવાલ ઉભા થયા છે.ત્યારે વડોદરા પોલીસે આ મામલે મદદની પહેલ કરી છે
યુવતીઓને રંજાડતા રોમિયો સાવધાન
વડોદરા તૃષા હત્યા કેસ બાદ વડોદરા પોલીસની પહેલ
FIR વિના પણ પોલીસ કરશે યુવતીઓની મદદ
વડોદરા પોલીસ કમિશનરની યુવતીઓ માટે મહત્વની જાહેરાત
વડોદરા પોલીસ કમિશનરે યુવતીઓની મદદ માટે મહત્વની જાહેરાત કરી છે.આ જાહેરાત પ્રમાણે જો કોઈ યુવતીને તેનો મિત્ર, પ્રેમી કે અન્ય કોઈ યુવક ખોટી રીતે પરેશાન કરે તો યુવતી વિના સંકોચે પોલીસનો સંપર્ક કરી શકે છે.યુવતી પોલીસમાં ફરિયાદ કર્યા વિના જ પોલીસની મદદ લઈ શકે છે.
તેમજ કાઉન્સેલિંગ પણ ઇચ્છતી હોય તો તે વિના સંકોચે પોલીસ તેમજ શી ટીમનો સંપર્ક કરી શકે છે.આ માટે યુવતીઓ શી ટીમના મોબાઈલ નંબર, વેબસાઈટ અને એપ્લીકેશન પર સંપર્ક કરી શકે છે.આ ઉપરાંત પોલીસ કંટ્રોલરૂમ નંબર 100 અને 181 અભયમમાં પણ ફરિયાદ કરી શકે છે.શી ટીમ જગ્યા પર પહોંચીને યુવતીને તમામ પ્રકારની મદદ કરશે.
વડોદરા પોલીસની સરાહનીય પહેલ
વડોદરા પોલીસ કમિશનર શમશેરસિંઘે જણાવ્યું હતું કે, પ્રેમ પ્રકરણમાં કોઇ યુવક પરેશાન કરે તો યુવતીઓ વિના સંકોચે પોલીસનો સંપર્ક કરે, પોલીસ ફરિયાદ નોંધ્યા વગર પણ મદદ અને કાઉન્સિલિંગ કરશે. આ સાથે શી ટીમ જગ્યા પર પહોંચીને તમામ પ્રકારની મદદ કરશે.
મહિલાઓને કેવી રીતે મળી શકશે મદદ?
કમિશનર શમશેરસિંઘે જણાવ્યું કે, મહિલાઓની મદદ માટે શી ટીમનો મોબાઈલ નંબર 74348 88100 જાહેર કરવામાં આવ્યો છે. તદ્દ ઉપરાંત શી ટીમની એપ્લીકેશન- SHE TEAM APP
અભયમ- 181, પોલીસ કંટ્રોલ- 100 વિના સંકોચે મદદ માટે કોલ કરી શકે છે