અમરેલી / પોલીસે માસ્કના 500 રૂપિયા ઉઘરાવ્યા હોય તો માફ કરજો, ચૂંટણીમાં એની દાઝ ન કાઢતા: ભાજપના દિગ્ગજ નેતાનું સંબોધન

Team VTV 07:45 PM, 20 Feb 21 | Updated: 07:50 PM, 20 Feb 21
If the police have collected Rs 500 for the mask, I am sorry, they did not use it in the elections

અમરેલી જિલ્લામાં સ્થાનિક સ્વરાજ્યની ચૂંટણી પ્રચાર અર્થે ભાજપના સ્ટાર પ્રચારકો ગામડાઓ ખુંદી રહ્યા છે. અને પોતાની આગવી શૈલીમાં મતદારોને રિઝવવાના પ્રયાસ કરી રહ્યા છે.

સ્થાનિક સ્વરાજ્યની ચૂંટણીને લઈને ભાજપ દ્રારા પ્રચારનો ધમધમાટ શરૂ થઈ ગયો છે.ત્યારે આજે લાઠી પાસે આવેલ સુપ્રસિધ્ધ મંદિર ભુરખિયા દાદાના સાનિધ્યમાં ભાજપના ઉપાધ્યક્ષ ગોરધન ઝડપીયાની સભા યોજાઈ હતી.

લાઠીના ભુરખિયા મંદિરે પૂર્વ ગૃહમંત્રી ગોરધન ઝડફિયાની સભા યોજાઈ હતી. આ સભામાં અમરેલીના સાંસદ નારણ કાછડીયા, પૂર્વ ધારાસભ્ય બાવકુભાઈ ઊંધાડ તેમજ અમરેલી જિલ્લા ભાજપ પ્રમુખ કૌશિક વેકરિયા સહિતના નેતાઓ હાજર રહ્યા હતા. અમરેલી જીલ્લામાં સ્થાનિક સ્વરાજ્યની ચૂંટણી પ્રચાર અર્થે ભાજપના સ્ટાર પ્રચારકો ગામડાઓ ખુંદી રહ્યા છે. અને પોતાની આગવી શૈલીમાં મતદારોને રિઝવવાના પ્રયાસ કરી રહ્યા છે.

લાઠીના ભુરખિયા ખાતે એક ચૂંટણી સભા સંબોધતા ગોરધન ઝડફિયાએ ઉપસ્થિત મેદનીને જણાવ્યું હતું કે, માસ્કના નામે કદાચ પોલીસે 500 રૂપિયા તમારી પાસેથી લીધા હોય તો, અમને માફ કરજો. એનો ગુસ્સો અમારા પર ઉતારતા નહીં અને મત આપજો. તો અન્ય એક મુદ્દે બોલતા કહ્યું હતું કે અમારે હવે કોઈ કોંગ્રેસના ધારાસભ્ય ભરતી કરવા નથી. પણ જો તમે 182એ 182 ભાજપના ધારાસભ્ય જીતાવો તો.. જો એમા ઘટ પડશે તો અમે કોંગ્રેસના ધારાસભ્ય લેશું. ગોરધન ઝડફિયાએ રમુજી શૈલીમાં કહેલી આ વાતો ઘણું બધુ કહી જતી હોવાનો ગણગણાટ પણ લોકમુખે ચર્ચાઈ રહ્યું હતું.

local body election 2021 Gordhan Zadaphia BJP Amreli Lathi અમરેલી ગોરધન ઝડફિયા
Loading...

ટૉપ સ્ટોરીઝ

સૌથી વધુ વંચાયેલ

Loading...
બ્રેકિંગ ન્યૂઝ