Lok Sabha Election / જો આજે ચૂંટણી થાય તો BJPને મળે ભવ્ય જીત, સર્વેમાં આટલી સીટોનું અનુમાન, જાણો કોંગ્રેસ કેટલી ટક્કરમાં

• બીજેપીના ખાતામાં આવશે આટલી સીટ 
• સર્વેમાં બીજેપીના નેતૃત્વમાં એનડીએને સ્પષ્ટ બહુમતી મળી 
• સાથે જ કોંગ્રેસ માટે વધી રહી છે વોટની ટકાવારી 

Lok Sabha Election 2024: દેશમાં આવતા વર્ષે લોકસભાની ચૂંટણી યોજાવા જઈ રહી છે અને આવી સ્થિતિમાં ભાજપની આગેવાની હેઠળના એનડીએની સાથે સાથે કોંગ્રેસ પણ આ માટે તૈયારીઓમાં લાગી ગઈ છે. જણાવી દઈએ કે કોંગ્રેસ દ્વારા કરવામાં ભારત જોડો યાત્રાને આવનાર લોકસભા ચૂંટણી સાથે જોડવામાં આવી હતી. જો આ સાથે જ ભાજપના પાછલા લોકસભા ચૂંટણીમાં નબળી બેઠકોને લઈને પણ રણનીતિ બનાવી રહી છે. આ બધા વચ્ચે સી-વોટરે એક સર્વે કર્યો હતો જેમાં કહેવામાં આવ્યું છે કે જો હવે ચૂંટણી થાય તો કઇ પાર્ટીને બહુમતી મળશે. જણાવી દઈએ કે આ સર્વેમાં જાન્યુઆરી 2023માં યોજાનારી ચૂંટણીના સંજોગોમાં બીજેપીના નેતૃત્વમાં એનડીએને સ્પષ્ટ બહુમતી મળતી દેખાઈ રહી છે.

બીજેપીના ખાતામાં આવશે આટલી સીટ 
આ સર્વેમાં કહેવામાં આવ્યું છે કે કોંગ્રેસના નેતૃત્વવાળી યુપીએના ખાતામાં 153 બેઠકો દેખાઈ રહી છે. આ સિવાય અન્ય પક્ષોના ખાતામાં પણ 92 બેઠકો આવવાની સંભાવના બતાવવામાં આવી છે. નોંધનીય છે કે આ પહેલા પણ સી-વોટરે ગયા વર્ષે ઓગસ્ટ 2022માં પણ એક સર્વે કર્યો હતો અને એ સર્વેમાં એનડીએના ખાતામાં 307 સીટ આવી શકે એમ કહેવામાં આવ્યું હતું. આ સાથે જ કોંગ્રેસને તે સમયે 125 બેઠકો મળી શકે છે અને અન્યોના ખાતામાં તે સમયે 111 બેઠકો મળશે તેવું કહેવામાં આવ્યું હતું. એટલે કે આ સર્વે પરથી એમ સ્પષ્ટ થાય છે કે છેલ્લા 6 મહિનામાં ભાજપની લોકપ્રિયતામાં ઘટાડો થયો છે.

જાન્યુઆરી 2023માં ચૂંટણી યોજાવવા પર 
ટીમ         બેઠક
ભાજપ+    298
કોંગ્રેસ +    153
અન્ય          92

કોંગ્રેસ માટે વધી રહી છે વોટની ટકાવારી 
નોંધનીય છે કે 6-6 મહિનાના અંતરાલમાં C-Voter દ્વારા વર્ષ 2022માં કોંગ્રેસ ની વધતી જતી મત ટકાવારીનો બે વાર સર્વે કરવામાં આવ્યો હતો અને આ સર્વેના આધારે કોંગ્રેસની વોટ ટકાવારી વધી રહી છે. જણાવી દઈએ કે ગયા વર્ષે જાન્યુઆરીમાં કરાયેલા સર્વેમાં કોંગ્રેસના નેતૃત્વમાં યુપીએને 27 ટકા વોટ મળ્યા હતા અને ઓગસ્ટ 2022 માં કરવામાં આવેલા સર્વેમાં કોંગ્રેસની વોટ ટકાવારી વધીને 28 ટકા થઈ ગઈ હતી. હવે જાન્યુઆરી 2023ના સર્વેમાં કોંગ્રેસના નેતૃત્વવાળી યુપીએની વોટ ટકાવારી વધીને 29 ટકા થઈ ગઈ છે. જોકે આ સાથે જ ભાજપની વોટ ટકાવારીમાં પણ વધારો થયો છે. મહત્વનું છે કે ગયા વર્ષે બે સર્વેમાં ભાજપનો વોટ શેર 41 હતો. તે જ સમયે આ વર્ષમાં મતોમાં 2 ટકાનો વધારો થવાનો અંદાજ છે.

અત્યારે કઈ પાર્ટીને કેટલી વોટ ટકાવારી 
સી-વોટરના સર્વે મુજબ જાન્યુઆરી 2023માં ચૂંટણી થાય તો ભાજપને 43 ટકા વોટ મળવાની શક્યતા છે. તે જ સમયે, કોંગ્રેસનો વોટ શેર વધીને 29 ટકા થઈ ગયો છે. તે જ સમયે અન્ય પક્ષોને 28 ટકા મત મળવાનો અંદાજ છે. જો કે આ બધા વચ્ચે રસપ્રદ વાત એ છે કે ઓગસ્ટ 2022ની સરખામણીમાં અન્ય પક્ષોને મત ટકાવારીમાં નુકસાન જોવા મળી રહ્યું છે. છેલ્લા સર્વેમાં અન્ય પક્ષોને 31 ટકા મત મળવાનો અંદાજ હતો.