ખરતા વાળ કે વજનમાં ફેરફાર જેવી સમસ્યા દેખાય તો તરત કરાવો થાઇરોઈડ ટેસ્ટ
આવા લક્ષણો જણાય તો થાઈરોડનો કરાવો ટેસ્ટ
વાળ ખરવાની સાથે વજનમાં થાય છે ફેરફાર
જાણો વધારે માહિતી વિશે
થાઈરોડના રોગથી વિશ્વમાં ઘણા લોકો પીડાય છે. થાઇરોઇડ હોર્મોન્સ શરીરના ચયાપચયનું નિયમન કરે છે. તે પ્રક્રિયામાં તમે ખાઓ છો તે ખોરાક ઊર્જામાં ફેરવાય છે અને આ ઊર્જા સમગ્ર સિસ્ટમને કાર્યરત કરવા માટે વપરાય છે. આવી સ્થિતિમાં તમને દિવસે ને દિવસે વધુ થાકનો અનુભવ થતો હોય અથવા બ્રેઈન ફ્રોગ વજનમાં વધારો, ઠંડી લાગવી કે વાળ ખરવા જેવી સમસ્યાઓ અનુભવી રહ્યાં હો તો તમારે થાઇરોઈડ ટેસ્ટ કરાવવો જોઈએ. બીજી તરફ ઘણો વધુ પરસેવો આવવો કે ગભરાટ થતો હોય તેવા કિસ્સામાં તમારી થાઈરોઈડ ગ્રંથિ જવાબદાર હોઈ શકે છે.
શરીર અને મગજને નિયંત્રિત કરતી આ થાઇરોઇડ ગ્રંથિ અસંતુલિત થઈ જાય તો શરીરને ઘણી તકલીફોનો સામનો કરવો પડે છે. થાઇરોઇડ ગ્રંથિ મેટાબોલિઝમની ઝડપને કંટ્રોલ કરતા ગ્લેન્ડ હોર્મોન ઉત્પન્ન કરે છે. થાઇરોઇડ હોર્મોનનું ઉત્પાદન અટકાવીને મેટાબોલિઝમને ધીમું અથવા મોડ્યુલેટ કરી શકે છે. આવી સ્થિતિમાં હોર્મોનનું સ્તર ઘણું ઓછું અથવા ખૂબ ઊંચું થઈ જાય છે, જેથી શરીરમાં ઘણાં લક્ષણો દેખાવા લાગે છે.
ઊર્જા અને મૂડમાં ફેરફાર
થાઇરોઇડ ડિસઓર્ડર તમારા એનર્જી લેવલ અને મૂડ પર અસર કરી શકે છે. હાઈપોથાઈરો ડિઝમનો ભોગ બનેલા લોકો થાક, સુસ્તી અને હતાશા અનુભવે છે. બીજી તરફ હાઇપરથાઇરોઇડિઝમના કારણે ચિંતા, ઊંઘમાં તકલીફ, બેચેની અને ચીડિયાપણું થઈ શકે છે.
વાળ ખરવાની સમસ્યા
થાઇરોઇડ હોર્મોન્સ કંટ્રોલ બહાર જાય તો વાળ ખરવા લાગે છે. હાઇપોથાઇરોડિઝમ અને હાઇપરથાઇરોઇડિઝમ બંને વાળ ખરવાનું કારણ બની શકે છે. મોટા ભાગના કિસ્સામાં થાઇરોઇડ ડિસઓર્ડરની સારવાર થયા પછી વાળ પાછા ઊગે છે.
ગળામાં સોજો
ગળામાં સોજો આવતો હોય તો ચેતી જવું જોઈએ. થાઇરોઇડને અસર થઈ હોવાના કારણે આવું થઈ શકે છે. કેટલાક કિસ્સામાં થાઇરોઇડ કેન્સર કે નોડ્યુલ્સ, થાઇરોઇડની અંદર ઉત્પન્ન થતી ગાંઠના કારણે પણ ગળામાં સોજો હોઈ શકે છે. ગળાના સોજા પાછળ ઘણાં કારણ જવાબદાર હોય છે.
વજનમાં ફેરફાર
થાઇરોઇડ ડિસઓર્ડરનાં સૌથી સામાન્ય લક્ષણોમાં વજનમાં ફેરફારનો સમાવેશ પણ થાય છે. વજનમાં વધારો થાઇરોઇડ હોર્મોનનું ઘટતું સ્તર સૂચવે છે, જેને હાઇપોથાઇરોઈિડઝમ તરીકે ઓળખવામાં આવે છે. બીજી તરફ થાઇરોઇડ શરીરમાં જરૂર કરતાં વધુ હોર્મોન્સ ઉત્પન્ન કરે તો શરીરનું વજન અણધાર્યું ઘટવાનું શરૂ થાય છે. આવી સ્થિતિને હાઇપરથાઇરોઇડિઝમ તરીકે ઓળખવામાં આવે છે.
ખૂબ ઠંડી અથવા ગરમી લાગવી
થાઇરોઇડ રોગ શરીરના તાપમાનને કંટ્રોલ કરતી ક્ષમતાને બગાડી શકે છે. હાઇપોથાઇરોડિઝમ ધરાવતા લોકોને સામાન્ય કરતાં વધુ ઠંડીનો અનુભવ થઈ શકે છે, જ્યારે હાઇપરથાઇરોઇડિઝમ હોય તેને વધુ પડતો પરસેવો આવે છે અને ગરમીથી બચવું પડે છે.
ધબકારામાં પરિવર્તન
થાઇરોઇડ હોર્મોન્સ શરીરના દરેક અંગને અસર કરે છે. તેની અસર હૃદયના ધબકારાની ગતિ પર પણ થઈ શકે છે. હાઇપોથાઇરોડિઝમ ધરાવતા લોકોમાં અન્ય લોકોની સરખામણીમાં હૃદય ધબકવાનો દર ધીમો હોય છે, જ્યારે હાઇપરથાઇરોઇડિઝમના કારણે હૃદયના ધબકારા ઝડપી થઈ શકે છે.