ઓમિક્રોનના કેસોમાં અચાનક થયેલા વધારાને કારણે લોકો બુસ્ટર ડોઝ મેળવવા માટે ઉતાવળમાં છે અને છેતરપિંડી કરનારાઓ આવા લોકોને ટાર્ગેટ કરી રહ્યા છે.
બુસ્ટર ડોઝ મેળવવા માટે ન કરો ઉતાવળ
છેતરપિંડી કરનારા કરી રહ્યા છે ટાર્ગેટ
OTPર શેર કરવાથી શરૂ થાય છેતરપિંડી
સરકારે 60 વર્ષથી વધુ ઉંમરના લોકો માટે કોવિડ-19 રસીનો ત્રીજો ડોઝ અથવા બૂસ્ટર ડોઝ આપવાનું શરૂ કર્યું છે. લોકોને છેતરવા માટે, સાયબર ગુનેગારો બુસ્ટર વેક્સિન વિશે માહિતી આપવાના બહાને લોકો પાસેથી મહત્વપૂર્ણ માહિતી મેળવી રહ્યા છે અને આ માહિતીનો ઉપયોગ કરીને પીડિતના બેંક ખાતામાંથી પૈસા ઉપાડી રહ્યા છે.
કોવિડ-19 બૂસ્ટર શોટ કૌભાંડ કેવી રીતે થઈ રહ્યું છે?
છેતરપિંડી કરનારાઓ પહેલા તમને ફોન કરે છે અને પોતાને સરકારી કર્મચારી તરીકે જણાવે છે. આ ગુનેગારો મોટાભાગે વરિષ્ઠ નાગરિકોને બોલાવતા હોય છે. પછી તેઓ પૂછે છે કે શું તેમને ડબલ વેક્સિન આપવામાં આવી છે. કેટલાક કિસ્સાઓમાં, કૉલર પાસે તમારી બધી માહિતી પહેલેથી જ હોય છે. તેઓ અસલી દેખાય તે માટે તમારું નામ, ઉંમર, સરનામું અને અન્ય વિગતો પણ ચકાસે છે. કેટલીકવાર છેતરપિંડી કરનારાઓ રસીકરણની તારીખને વાસ્તવિક દેખાવા માટે શેર પણ કરે છે.
OTP શેર કરવાથી શરૂ થાય છેતરપિંડી
તે પછી, કૉલર તમને પૂછે છે કે શું તમને COVID-19 વેક્સિન બૂસ્ટર જૅબ લેવામાં રસ છે અને શું તમે તેના માટે સ્લોટ બુક કરવા માંગો છો. નવા ડોઝ માટે તારીખ અને સમય આપીને છેતરપિંડી કરનાર મોબાઈલ પર મળેલો OTP આપવાનું કહે છે. અહીંથી વાસ્તવિક છેતરપિંડી શરૂ થાય છે. OTP વાસ્તવમાં તમારા ખાતામાંથી પૈસા ઉપાડવા માટે છે. એકવાર તમે તેમને OTP કહો, પછી પૈસા તમારા બેંક ખાતામાંથી ટ્રાન્સફર થઈ જાય છે અને છેતરપિંડી કરનારના ખાતામાં જાય છે.
આ કૌભાંડથી બચવા માટે આ બાબતોનું ધ્યાન રાખો
તમારે એ નોંધવું જોઈએ કે સરકાર ફોન કોલ્સ દ્વારા વેક્સિનના સ્લોટ બુક કરતી નથી. જો તમે વેક્સિન માટે સ્લોટ બુક કરવા માંગતા હો, તો તમે http://cowin.gov.in ની મુલાકાત લઈ શકો છો. તમે આરોગ્ય સેતુ મોબાઇલ એપ્લિકેશન દ્વારા પેજની મુલાકાત પણ લઈ શકો છો. જો તમે સ્લોટ બુક કરવામાં સક્ષમ ન હોવ, તો પણ તમે માન્ય સરકારી ID કાર્ડ સાથે કોઈપણ રસીકરણ કેન્દ્રની મુલાકાત લઈને તમારો ડોઝ મેળવી શકો છો.
મેસેજમાં આવેલ OTPને કોઈપણ વ્યક્તિ સાથે ન કરો શેર
સામાન્ય રીતે, તમાર મોબાઈલમાં આવેલ OTPને કોઈપણ વ્યક્તિ સાથે શેર ન કરવો જોઈએ. તમારે હંમેશા OTP સાથે આવતા મેસેજને વાંચવો જોઈએ કારણ કે તે તમને જાણવા મળશે કે તે મેસેજ કયા કોડ માટે ઉપયોગ કરવામાં આવશે.