ઘણી વખત સાઈબર ક્રીમિનલ્સ અને હેકર્સ લોકોના મોબાઈલ હેક કરી નાખે છે. ઘણી વખત તો યુઝર્સને ખબર પણ નથી હોતી કેક તેનો મોબાઈલ હેક થયો છે. તો હેકર્સ છૂપીરીતે યુઝર્સનો પર્સનલ ડેટા ચોરી લે છે.
જો આવા સંકેતો મળે તો સમજી જાઓ કે તમારો ફોન હેક થયો છે
અમુક સંકેતોને ઓળખીને તમે સરળતાથી હેકિંગની જાણકારી મેળવી શકશો
ત્યારબાદ હેકર્સ અનેક વખત યુઝર્સના બેંક એકાઉન્ટ પણ હેંગ કરી નાખે છે. તો ઘણી વખત યુઝર્સને પર્સનલ ડેટા લીક કરવાની ધમકી આપીને તેને બ્લેકમેલ કરે છે અને તેની પાસેથી પૈસા પડાવે છે. જો કે, તમે અમુક વસ્તુઓ પર ધ્યાન કેન્દ્રીત કરો તો તમને ખબર પડશે કે તમારો મોબાઈલ હેક થયો છે કે નહીં. ખરેખર, જ્યારે હેકર તમારા ફોનમાં એન્ટ્રી કરે છે અથવા ફોનને હેક કરે છે તો ફોનમાં કેટલાંક સંકેત મળે છે. આ સંકેતોને ઓળખીને તમે સરળતાથી હેકિંગની જાણકારી મેળવી શકો છો. જાણો તમે કેવીરીતે નક્કી કરશો કે તમારો ફોન હેક થયો છે કે નહીં.
ફોનની બેટરી અને સેન્સર
હેકિંગનો એક સંકેત એવો પણ હોય છે કે તમારા ફોનમાં મેલવેયર અથવા ફ્રોડ એપ હોવાથી તમારા મોબાઈલની બેટરી ઝડપથી ખાલી થાય છે. ફોનની બેટરી સામાન્ય સ્થિતિની સરખામણીએ ઝડપથી ખાલી થઇ જશે. કારણકે આ એપ્સ સ્ક્રીન ઑફ થયા બાદ પણ કામ કરે છે અને તમારો ડેટા ચોરી રહ્યાં હોય છે. તો અમુક કેસમાં મોબાઈલનુ સેન્સર વારંવાર ડિટેક્ટ થવા લાગે છે. આ પણ મોબાઈલ હેક થવાનો એક સંકેત છે.
અચાનક મોબાઈલ સ્લો અથવા હેન્ગ થવો
ફોનમાં મેલવેયર હોવાથી ઘણી વખત એવુ થાય છે કે તમારો ફોન જે કાલ સુધી સારો ચાલી રહ્યો હતો તે અચાનક સ્લો થઇ ગયો. આ સ્થિતિમાં યુઝર્સ કહે છે કે તેમનો સ્માર્ટફોન હેન્ગ થઇ રહ્યો છે, પરંતુ આવુ માત્ર હેન્ગ થવાથી નહીં પરંતુ હેક થવાથી પણ થાય છે. વારંવાર મોબાઈલની સ્ક્રીનનુ ફ્રીજ થવુ અને ફોન ક્રેશ થવો તે પણ હેકિંગનો સામાન્ય સંકેત છે.
ઑનલાઈન એકાઉન્ટ્સના લૉગઈનના મેસેજ આવવા
જો તમને વારંવાર એકાઉન્ટ લૉગઈનના ઘણા મેસેજ આવી રહ્યાં હોય તો પણ તમે ફોન હેકિંગનો શિકાર થઇ શકો છો. એવામાં તમે તરત પોતાના સોશિયલ મીડિયા એકાઉન્ટ્સને ચેક કરો. જો તમને કોઈ શંકાસ્પદ લૉગઈનની જાણકારી મળે તો સમજી લો કે કોઈએ ફોન હેક કર્યો છે.