એક અધિકારીના જણાવ્યા પ્રમાણે, 2018 માં એક અલગ નામે પાર્ટી રજીસ્ટર કરવામાં આવી હતી અને થોડા મહિના પહેલા તેનું નામ બદલીને મકલ સેવાઇ કાચી રાખવામાં આવ્યું હતું. એવું મનાઈ રહ્યું છે કે આ જ પાર્ટી રજનીકાંતની પાર્ટી છે.
રજનીકાંતે રાજનૈતિક પાર્ટી બનાવવાની જાહેરાત કરી છે
એક માહિતી પ્રમાણે રજનીકાંતની પાર્ટીનું નામ મક્કલ સેવાઇ કાચી હોઇ શકે છે
રજનીકાંતની ઘોષણા પ્રમાણે પાર્ટી 234 વિધાનસભા સીટો પર લડશે
દક્ષિણ ભારતીય સુપરસ્ટાર રજનીકાંત ના પાર્ટીના નામની વિગતો હજુ આધિકારીક રીતે સામે આવ્યું નથી. સિનેમાથી રાજનીતિમાં આવવાની જાહેરાત કરી ચૂકેલા રજનીકાંતની પાર્ટીનું નામ મક્કલ સેવાઇ કાચી હોય શકે તેવી શક્યતા છે. થોડા દિવસો પહેલા, ચૂંટણી પંચે એપ્રિલ-મે 2021 માં યોજાનારી ચૂંટણી માટે ફાળવવામાં આવેલા પ્રતીકો સાથે નોંધાયેલા નવા પક્ષોના નામ જાહેર કર્યા હતા. તે સમયે, રજની મક્કલ મંડલમના તુતીકોરિન સેક્રેટરી એન્થોની સ્ટાલિને મક્કલ સેવાઇ કાચી નામ રજીસ્ટર કરાવ્યું હતું.
234 વિધાનસભા પર લડશે પાર્ટી
અહીં રજનીકાંત સમર્થક સ્ટાલિને પોતાનું સરનામુ ચેન્નાઈનું હોવાનું જણાવ્યું છે. તેમણે 'રજનીકાંત' નામનો પણ ઉલ્લેખ કર્યો છે અને વિનંતી કરી છે કે 'બાબામુદ્રા' પક્ષના પ્રતીક તરીકે આપવામાં આવે. જો કે 3 ડિસેમ્બરે, રજનીકાંતે સસ્પેન્સ તોડી નાખ્યું હતું અને જાહેર કર્યું હતું કે તેઓ નવી પાર્ટી શરૂ કરશે અને તે તમામ 234 વિધાનસભા બેઠકો પર ચૂંટણી લડશે. પરંતુ અભિનેતાએ તેના સમર્થકો અને અન્ય લોકોને 31 ડિસેમ્બર સુધી સસ્પેન્સ રાખવાનું કહ્યું હતું, જે દિવસે તેણે પોતાની પાર્ટીનું નામ જાહેર કરવાની ખાતરી આપી હતી.
પાર્ટીને આ ચૂંટણી પ્રતીક મળ્યો
"આ અરજી સ્ટાલિન દ્વારા 'મક્કલ સેવા કાચી' નામથી નોંધવામાં આવી છે અને તેણે બે પ્રતીકો સૂચવ્યા છે. પ્રથમ અભિનેતા 'બાબા મુદ્રા' નું પ્રખ્યાત પ્રતીક છે, જેમાં તે મૂળરૂપે મધ્યમા અને અનામિકાને આંગળીને વળાંક આપે છે. આ સિવાય અન્ય પ્રતીક ઓટો રિક્ષા છે જો કે ચૂંટણી પંચના વરિષ્ઠ અધિકારીએ નામ ન આપવાની શરતે જણાવ્યું હતું કે ચૂંટણી પંચે પાર્ટી માટે ઓટો સિમ્બોલ ફાળવ્યું છે.
આ દરમિયાન અભિનેતાથી રાજકારણી બનેલા કમલ હાસને કહ્યું છે કે તે રજનીકાંત સાથે હાથ મિલાવવા તૈયાર છે. તેમણે કહ્યું, "આ લોકોના કલ્યાણ માટે છે. અહીં કોઈ અહંકાર નથી. આપણે હરીફ નહીં હોઈશું."