મનોરંજન / 'જો મારી ફિલ્મ ભારતમાં રિલીઝ થઈ તો..' પાકિસ્તાનના એકટર ફવાદ ખાને આપ્યું મોટું નિવેદન

• ફવાદ ખાનની ફિલ્મે બોક્સ ઓફિસ પર પણ ઘણી કમાણી કરી
• ફિલ્મે પાકિસ્તાનમાં જ નહીં વિદેશમાં પણ સારો બિઝનેસ કર્યો છે
• ભારતમાં આ ફિલ્મની રિલીઝ હાલ પુરતી ટાળી દેવામાં આવી
• ભારતમાં રીલિઝ અટકવા પર કઇંક આવું બોલ્યા ફવાદ ખાન 

પાકિસ્તાનના સુપરસ્ટાર ફવાદ ખાન અને માહિરા ખાન સ્ટારર ફિલ્મ 'ધ લિજેન્ડ ઓફ મૌલા જટ્ટ' ની ચર્ચા દરેક જગ્યાએ થઇ રહી છે છે અને આ ફિલ્મ પાકિસ્તાનની અત્યાર સુધીની સૌથી મોટી અને સૌથી વધુ કમાણી કરનારી ફિલ્મ છે. જણાવી દઈએ કે ધ લિજેન્ડ ઓફ મૌલા જટ્ટ બોક્સ ઓફિસ પર પણ ઘણી કમાણી કરી રહી છે અને આ ફિલ્મે પાકિસ્તાનમાં જ નહીં વિદેશમાં પણ સારો બિઝનેસ કર્યો છે.

જો કે છેલ્લા ઘણા દિવસોથી ફવાદની ફિલ્મ વિશે માત્ર એવી ચર્ચા ચાલી રહી છે કે ધ લિજેન્ડ ઑફ મૌલા જટ્ટો ભારતમાં રિલીઝ નહીં થાય. પહેલા આ ફિલ્મ ભારતમાં 30 ડિસેમ્બરે રિલીઝ થવાની હતી પણ હવે આ ફિલ્મની રિલીઝ ભારતમાં ટાળવામાં આવી છે. મળતા અહેવાલની માનીએ તો અધિકારી કહે છે, “ઝી સ્ટુડિયો પાસે ધ લિજેન્ડ ઓફ મૌલા જટ્ટના રાઇટ્સ છે અને એ લોકો તે ફિલ્મના સારા પ્રદર્શનની અપેક્ષા રાખતા હતા પણ કેટલાક વર્ગોના વિરોધને કારણે આ ફિલ્મની રિલીઝ હાલ પુરતી ટાળી દેવામાં આવી છે.'

 

 

 

 

View this post on Instagram

 

 

 

 

 

 

 

 

 

 

 

A post shared by Fawad A Khan (@fawadkhan81)

આ દરમિયાન ફવાદ ખાને તેના ઈન્સ્ટાગ્રામ એકાઉન્ટ પર પોતાનો એક ઈન્ટરવ્યુ શેર કર્યો છે. પાકિસ્તાનના સુપરસ્ટાર ફવાદે આ ઈન્ટરવ્યુ હોંગકોંગની એક ચેનલને આપ્યો છે. જેમાં તેણે ભારતમાં ધ લિજેન્ડ ઓફ મૌલા જટ્ટ રિલીઝ થવા વિશે વાત કરી છે. વાસ્તવમાં તેની ફિલ્મ ભારતમાં રીલિઝ થવાને લઈને તેને સવાલ કરવામાં આવે છે. જેના પર ફવાદ કહે છે કે, ક્યારેક સાંભળવા મળે છે કે ફિલ્મ રિલીઝ થઈ રહી છે, તો ક્યારેક સાંભળવા મળે છે કે રિલીઝ ડેટ આગળ વધારી દેવામાં આવી છે. તેમનું માનવું છે કે જો આ ફિલ્મ ભારતમાં રિલીઝ થશે તો બંને દેશો વચ્ચેના સંબંધો સુધરવાની આશા છે.

જણાવી દઈએ કે, ધ લિજેન્ડ ઓફ મૌલા જટ્ટમાં ફવાદ ખાન અને માહિરા ખાનના જોરદાર અભિનયની સૌએ પ્રશંસા કરી છે. બંનેના કામના દરેક જગ્યાએ વખાણ થઈ રહ્યા છે. આ ફિલ્મ 1979ના કલ્ટ ક્લાસિક શીર્ષક મૌલા જટ્ટનું મોર્ડન એડેપ્ટેશન છે. ફવાદની આ ફિલ્મ 13 ઓક્ટોબરે પાકિસ્તાનમાં રિલીઝ થઈ છે અને આ ફિલ્મ 200 કરોડની ક્લબમાં પણ સામેલ થઈ ગઈ છે.