કેન્દ્ર સરકાર દ્વારા ITR ફાઈલ કરવાની છેલ્લી તારીખમાં હવે ફક્ત 9 દિવસનો સમય બાકી છે. જો તમે આ સમયમાં ટેક્સ નહીં ભરો તો તમારી પાસેથી કલમ 234F ના આધારે 10,000 રૂપિયા સુધીનો દંડ વસૂલવામાં આવશે.આ સિવાય તમને અન્ય અનેક ફાયદા પણ મળી શકશે નહીં.
ITR ફાઈલ કરવાની તારીખ આવી નજીક
સમયસર ITR ફાઈલ નહીં કરવા માટે થશે દંડ
10000ના દંડ સાથે નહીં મળે અનેક ફાયદા પણ
ભરવું પડશે 1 ટકા પ્રતિ મહિનાનું સાધારણ દરે વ્યાજ
ટેક્સપેયર્સને મોડેથી આઈટીઆર ફાઈલ કરવા માટે ફક્ત નુકસાન સહન કરવું પડશે. જો તેઓ મોડેથી આઈટીઆર ફાઈલ કરે છે તો તેમને ટેક્સપેયર્સ હાઉસ પ્રોપર્ટીના નુકસાન સિવાય પણ અન્ય અનેક નુકસાનને કેરી ફોરવર્ડ કરવાની સુવિધા મળશે નહીં. જ્યારે ઈન્કમ ટેક્સ નિયમની કલમ 234Aના આધારે ટેક્સ પેયરે 1 ટકાના સાધારણ દરે આખા મહિનાનું વ્યાજ પણ ચૂકવવાનું રહેશે.
વસૂલવામાં આવે છે 10000 રૂપિયાનો દંડ
કેન્દ્ર સરકારે મોડેથી આઈટીઆર ફાઈલ કરવા અને તેમાં મોડું કરવા માટે લેટ ફી વસૂલવાનું નક્કી કર્યું છે. નાણાંકીય વર્ષ 2018-19થી આ વ્યવસ્થા લાગૂ કરાઇ છે. તેના આધારે કોઈ ટેક્સપેયર્સ નક્કી તારીખ બાદ પરંતુ 31 ડિસેમ્બર પહેલાં આઈટીઆર ફાઈલ કરે છે તો તેણે 5000 રૂપિયા લેટ ફી ભરવાની રહે છે. જ્યારે રિટર્ન 31 ડિસેમ્બર બાદ ફાઈલ કરાય છે તો કરદાતાને 10000 રૂપિયાનો દેડ ભરવાનો રહે છે. જો કરદાતાની વાર્ષિક ઈનકમ 5 લાખથી વધારે નથી તો લેટ ફીના રૂપે તેની પાસેથી 1000 રૂપિયાથી વધારે લઈ શકાશે નહીં.
નહીં મળે ટેક્સ Exemption-Deduction
આઈટીઆર ફાઈલ કરવામાં મોડું થવાના કારણે કરદાતાને દંડ ભરવાની સાથે અનેક પ્રકારની ઈન્કમ ટેક્સની છૂટનો લાભ મળી શકતો નથી. તેમાં આયકર કાનૂનની કલમ 10 એ અને 10બીના આધારે મળનારી છૂટ મળશે નહીં. જ્યારે 80IA, 80IAB, 80IC, 80ID અને 80IEના આધારે મળનારી છૂટથી પણ હાથ ધોવા પડે છે. આ સિવાય મોડેથી ઈન્કમ ટેક્સ રિટર્ન ફાઈલ કરનારા ટેક્સ પેયર્સને કલમ 80IAC, 80IBA, 80JJA, 80JJAA, 80LA, 80P, 80PA, 80QQB અને 80RRBના આધારે મળનારા ડિડક્શનનો પણ લાભ નહીં મળે.