મહેન્દ્ર સિંહ ધોની દુનિયાના સૌથી વધારે લોકપ્રિય ક્રિકેટરમાંથી એક છે. આંતરરાષ્ટ્રીય ક્રિકેટમાં પોતાની ધમાકેદાર બૅટિંગથી ખલબલી મચાવી દીધી હતી. વિકેટકિપીંગથી કરેલી શરૂઆત અને ધમાકેદાર બૅટિંગ તેમજ પોતાના લાંબા વાળથી ધોની થોડા જ સમયમાં ખૂબ જ પ્રખ્યાત થઇ ગયા હતા. યુવાનો વચ્ચે ધાની ખૂબ ફેમસ હતા અને છોકરીઓ ધોનીના આ લૂકની કાયલ હતી.
ધોનીની પત્નીનો ખુલાસો
લાંબા વાળ નહોતા પસંદ
હાલમાં ધોની રમે છે પબજી
ધોનીએ સાક્ષી સિંઘ સાથે લગ્ન કર્યા અને લાખો છોકરીઓનું દિલ તોડી નાંખ્યું હતું. હાલમાં જ ચૈનઇ સુપર કિંગ્સની પ્રેઝન્ટર રૂપા સાથેના ઇન્સ્ટાગ્રામ લાઇવમાં સાક્ષીએ એક જબરજસ્ત ખુલાસો કર્યા હતો. જે ધોનીના લાંબા વાળ પર છોકરીઓ ફિદા હતી તે લાંબા વાળ સાક્ષીને નહોતા પસંદ.
લાઇવમાં સાક્ષીએ કહ્યું હતું કે ધોનીના લાંબા વાળ ડિઝાસ્ટર હતા. આ પ્રકારની હેર સ્ટાઇલ બોલિવૂડ સુપર સ્ટાર જ્હોન અબ્રાહમ પર સૂટ કરે છે.
સાક્ષીએ કહ્યું હતું કે ભગવાનનો પાડ માનુ છુ કે, મે તેમને લાંબા વાળમાં નહોતા જોયા. જો હું ધોનીને લાંબા ઓરેન્જ કલરના વાળમાં જોઇ લેત તો તેમની તરફ ક્યારેય ના જોવત. વાળમાં એક એસ્થેટિક સૌંદર્ય હોવુ જોઇએ. તેમના લાંબા વાળ ડિઝાસ્ટર હતા.
સાક્ષીને જ્યારે ધોની વિષે વધારે પૂછવામાં આવ્યું ત્યારે તેણે કહ્યું હતું કે, હાલમાં ધોની ઉંઘમાં પબજી વિશે બોલ્યા કરે છે. ધોની સાથે પહેલી મુલાકાત વિશે વાત કરતા સાક્ષીએ જણાવ્યું હતું કે, એક નોર્મલ વ્યક્તિની જેમ જ બંને મળ્યા હતા. તે ખૂબ જ ડાઉન ટુ અર્થ છે. ધોની જ્યારે પણ મૅચ રમવા જાય છે ત્યારે ગાડીનો કાચ ખલ્લો રાખે છે જેથી તેમના ફેન્સ તેમની સાથે વાત કરી શકે.
મહેન્દ્ર સિંહ ધોની અને સાક્ષીના લગ્ન 2010માં થયા હતા. બંનેને એક દિકરી પણ છે જેનું નામ ઝીવા છે. ધોની પોતાના સોશિયલ મિડીયા અકાઉન્ટ પર ઝીવા સાથે ઘણા બધા વિડીયો મૂકે છે. દિકરી સાથે મસ્તી કરતા વિડીયોમાં તે ખૂબ જ ક્યુટ લાગતા હોય છે.