BIG NEWS / ના ગમતું હોય તો રાજીનામું આપી દઉં...: કેબિનેટ બેઠકમાં જ CMને કૃષિ મંત્રીએ આપી દીધી ધમકી 

• બિહારમાં કૃષિ મંત્રી સુધાકર સિંહના 'ચોરોના સરદાર'ના નિવેદનથી વિવાદ
• કેબિનેટ બેઠકમાં મુખ્યમંત્રી અને કૃષિમંત્રી વચ્ચે ઉગ્ર દલીલ થઈ 
• કૃષિમંત્રીએ કેબિનેટ બેઠકમાં કહ્યું, ના ગમતું હોય તો રાજીનામું આપી દઉં 

બિહારના કૃષિ મંત્રી સુધાકર સિંહના 'ચોરોના સરદાર'ના નિવેદનની આગ હજી ઓલવાઈ નથી. તેવામાં હવે એક મોટા સમાચાર સામે આવ્યા છે કૃષિમંત્રીના નિવેદન બાદ કેબિનેટની બેઠકમાં નીતિશ કુમાર અને સુધાકર સિંહ વચ્ચે આ અંગે ચર્ચા થઈ હતી. જોકે તેમાં મુખ્યમંત્રી અને કૃષિમંત્રી વચ્ચે પણ ઉગ્ર દલીલ થઈ હતી. જેમાં કેબિનેટમાં હાજર અન્ય મંત્રીઓના મત મુજબ સુધાકર સિંહે રાજીનામું આપવાની પણ તૈયારી બતાવી હોવાનું સામે આવ્યું છે. 

આજે કેબિનેટની બેઠકમાં નીતિશ કુમારે તેમના ચોર સરદારના નિવેદન પર સુધાકર સિંહને પૂછ્યું કે તમે આવું નિવેદન કેમ આપ્યું? તેના પર કૃષિ મંત્રી સુધાકર સિંહે કહ્યું કે મેં કંઈ ખોટું નથી કહ્યું. આના પર નીતીશ કુમાર ગુસ્સે થઈ ગયા અને બંને વચ્ચે હળવી બોલાચાલી થઈ. જણાવી દઈએ કે, કૈમુરના ચાંદ બ્લોકમાં કૃષિ મંત્રી સુધાકર સિંહ અભિનંદન સમારોહમાં લોકોને સંબોધિત કરી રહ્યા હતા. આ કાર્યક્રમમાં કૃષિ મંત્રીએ કહ્યું હતું કે, કૃષિ વિભાગમાં એવો કોઈ વિભાગ નથી કે જે ચોરી ન કરે. આવી સ્થિતિમાં આપણે ચોરોના સરદાર નહીં કહીએ.

#WATCH हमारे (कृषि) विभाग में कोई ऐसा नहीं है जो चोरी नहीं करता हो और हम उन चोरों के सरदार हैं। मेरे ऊपर और भी कई लोग हैं.. सरकार नई तो बन गई है लेकिन ये सरकार है वही पुरानी और इसके चाल चलन भी पुराने हैं: बिहार कृषि मंत्री सुधाकर सिंह,कैमूर, बिहार

(सोर्स-वायरल वीडियो) pic.twitter.com/QL7aGiMkjb

— ANI_HindiNews (@AHindinews) September 13, 2022

સૂત્રોનું માનીએ તો મીટિંગમાં હાજર રહેલા અન્ય એક મંત્રીએ જણાવ્યું હતું કે મીટિંગના અંતે નીતિ કુમાર અને સુધાકર સિંહ વચ્ચે એટલી હદે દલીલ થઈ હતી કે, સુધાકર સિંહે રાજીનામું આપવાની ધમકી આપીને બેઠક છોડી દીધી હતી. તેમણે કહ્યું કે સુધાકરના શબ્દો હતા - "ઐસા હૈ તો હમ છોડ હી દેતે  હૈ..." સભાને સંબોધતા તેમણે કટાક્ષભર્યા સ્વરમાં કહ્યું કે, ખેડૂતો પૂતળા બાળતા રહેશે તો મને પણ યાદ આવશે. ખેડૂતો અમારાથી નારાજ છે. જો આપણે નહિ ફૂંકીએ તો આપણને લાગશે કે બધું બરાબર છે.  તેમણે કહ્યું હતું કે કૃષિ વિભાગમાં એવો કોઈ વિભાગ નથી કે જે ચોરી ન કરે. આવી સ્થિતિમાં આપણે ચોરોના સરદાર નહીં કહીએ. તેમણે કહ્યું કે, આપણી ઉપર પણ ઘણા સરદારો છે. જો હું તેમની સામે બોલું તો એ લોકોને લાગે કે હું મારી વાત કરું છું.